საცხოვრებლის ქირავნობის მართვის ინოვაციური მეთოდები: რა ახალი ინსტრუმენტები ეხმარება მფლობელებს

თანამედროვე სამყაროში ტექნოლოგიური ხელსწყოების გამოგონებამ და ყოველდღიურ ცხოვრებაში დამკვიდრებამ, ძალიან ბევრი პროცესი გაამარტივა და დააჩქარა. საცხოვრებელი ბინებისა და კომერციული ფართების გაქირავებისა თუ ქირავნობის შემთხვევაშიც მაღალტექნოლოგიური საიტები გვთავაზობენ სხვადასხვა სერვისებს, რომლის საშუალებითაც სახლიდან გაუსვლელად, კომფორტულად, ზედმეტი დროის დაკარგვის გარეშე შეგვიძლია შევარჩიოთ ჩვენთვის სასურველი ფართი. მოდით დავიწყოთ და განვიხილოთ რამდენიმე ტექნოლოგიური ხელსაწყო, რაც გვეხმარება ზემოხსენებულ პროცესებში.

ფოტო-კოლაჟი

ნებისმიერი დაინტერესებული პირი, ვისაც სურს ბინის ქირავნობა, უპირველეს ყოვლისა ათვალიერებს გამქირავებლის მიერ მოწოდებულ ფოტოებს, სადაც ნათლად შეგვიძლია დავინახოთ ინტერიერი, ავეჯი, ტექნიკა და ნებისმიერი სხვა დეტალი, რომელიც შესაძლოა საინტერესო და მნიშვნელოვანი ფაქტორი იყოს შერჩევის პროცესში.

ვიდეო

იმისათვის რომ სივრცის აღქმა უკეთ მოხდეს და გავიაზროთ ოთახების განაწილება, ავეჯის ადგილმდებარეობა, ხედები და სხვა დანარჩენი მნიშვნელოვანი დეტალები, ძალიან კარგი საშუალებაა ვიდეოს გადაღება და განთავსება განცხადებასთან ერთად. ფოტოებისგან განსხვავებით, ვიდეო საშუალებას გვაძლევს კიდევ უფრო ადვილად შევაფასოთ გასაქირავებელი ფართის მდგომარეობა.

Live  ჩართვა

ერთ-ერთი თანამედროვე ტექნიკა, რასაც უკვე ხშირად მიმართავენ ბინის დამქირავებლები გახლავთ live ჩართვა, რომლის საშუალებითაც დამქირავებელს საშუალება ეძლევა ვიდეო თვალის საშუალებით ბინის ლაივ რეჟიმში დაათვალიერების, რაშიც ბინის მფლობელი ან გაყიდვების აგენტი ეხმარება. ეს ტექნიკა კიდევ უფრო მეტად გვიადვილებს სახლის მთლიანი ფართის დეტალურად დათვალიერებას. მსგავსი გარიგების ტიპი ძალიან მოქნილი და კომფორტულია ორივე მხარისათვის, რადგანაც საშუალება გეძლევათ თავიდან აირიდოთ საცობებში დიდი დროის ხარჯვა, და ამასთანავე რამდენიმე ვარიანტის ნახვაც შეძლოთ ერთი დღის განმავლობაში.

გარდა ვიზუალური ნაწილისა, აუცილებელია განვიხილოთ თეორიული მხარეც, რომელიც დეტალურად უნდა იყოს განხილული განცხადებაში, რათა დამქრირავებელმა მიიღოს სრული ინფორმაცია ბინის შესახებ. ამ კუთხით საქართველოში განცხადებების ყველაზე დიდი პლატფორმა - ss.ge, თავის მომხმარებლებს სთავაზობს სტრუქტურიზებულ განცხადების აღწერით შაბლონს, სადაც ნებისმიერ განმცხადებელს ძალიან კომფორტულად და თავისუფლად შეუძლია მონიშნონ ბინის მახასიათებლები, რომლებიც მნიშვნელოვანია არჩევანის გაკეთებისას.

საბოლოოდ, თავისუფლად შეგვიძლია ვთქვათ, რომ თანამედროვე, ტექნოლოგიების სამყაროში, ყველა არსებული შესაძლებლობის გამოყენებით ძალიან კომფორტულად შეგვიძლია ბინის გაქირავება და მსურველებთან კომუნიკაცია.

გისურვებთ წარმატებებს