5 რჩევა პროფესიული განვითარებისთვის

385

29.07.2024 16:43:06

ზაფხული ის პერიოდია, როცა ნაკლები დატვირთვა და მეტი თავისუფალი დრო გვაქვს. დამღლელი წლის შემდეგ დასვენება, ხარისხიანი ძილი და ჩვენი ჰობებისთვის დროის დათმობა აუცილებელია. თუმცა არც თვითგანვითარება და პროფესიული უნარების გაუმჯობესება უნდა დავივიწყოთ, ამ მხრივ კი ზაფხულის პროდუქტიულად გასატარებლად შემდეგი 5 რჩევა დაგეხმარება:

შეისწავლე უცხო ენა

დღევანდელ შრომის ბაზარზე რაც უფრო მეტი ენა იცი, თან ხარისხიანად, მით უფრო კონკურენტუნარიანი ხარ. თუ რომელიმე უცხო ენას ფლობ და შენი უნარების გაუმჯობესება გინდა, ან ახალი ენის შესწავლა გაქვს გადაწყვეტილი, ზაფხული ორივე მიზნის მისაღწევად პროდუქტიულად შეგიძლია გამოიყენო. ისიც გაითვალისწინე, რომ უცხო ენის მაღალ დონეზე ცოდნა საზღვარგარეთ სწავლის შესაძლებლობებსაც ზრდის. უცხო ენის პედაგოგის პოვნას კი ამ განცხადებებიდან მარტივად შეძლებ.

დრო დაუთმე პროფესიულ განვითარებას

თუ გსურს კარგი პროფესიონალი იყო, შენ მიერ არჩეული სფეროს კიდევ უფრო საფუძვლიანად შესწავლა არასდროს უნდა შეწყვიტო და არც თანამედროვე ტენდენციებს უნდა ჩამორჩე. ტრენინგები კი საშუალებას გაძლევს, ახალი უნარები განივითარო და უკვე დაგროვებული ცოდნის უფრო მრავალმხრივ გამოიყენება შეძლო. პროფესიონალი ტრენერებისგან მიღებული რჩევები საქმის უკეთ შესრულებაში დაგეხმარება, რაც უფრო მაღალანაზღაურებად პოზიციაზე დასაქმების შანსებს ზრდის. SS.ge-ის ტრენინგების კატეგორიაში კი შენთვის სასურველ მიმართულებას მარტივად იპოვი.

შეისწავლე ახალი პროფესია

ზაფხული ახალი პროფესიის შესასწავლადაც იდეალური დროა. მთავარია, სწორად განსაზღვრო შენი ინტერესის სფერო და ზუსტი მიზნები დაისახო, მათ მიღწევაში კი საზაფხულო კურსები დაგეხმარება. კურსების მიმართულებით SS.ge მრავალფეროვან არჩევანს გთავაზობს: შეგიძლია როგორც დღეისთვის ყველაზე მოთხოვნად პროფესიებს დაეუფლო, ისე დიდი ხნის ოცნება აიხდინო და დრო სწორედ ასეთი საქმიანობის შესწავლას დაუთმო. გრაფიკული დიზაინის, ბუღალტერიის, თუ ფოტოშოპის შემსწავლელი კურსები კიდევ უფრო მეტ ალტერნატივასთან ერთად ამ ბმულზე დაგხვდება.

წინასწარ მოემზადე გამოცდებისთვის

გამოცდები ჩვენი ცხოვრების თანმდევი მოვლენაა. შემეცნების პროცესი კი უფრო პროდუქტიული იქნება, თუ მას თანმიმდევრულად დაგეგმავ. ასე რომ, ეროვნული გამოცდებისთვის ან რომელიმე კონკრეტული საგნის გამოცდისთვის მოსამზადებლად ზაფხულსაც თუ პროდუქტიულად გამოიყენებ, დიდი შანსია, საბოლოო შედეგი უფრო წარმატებული იყოს. თუ მეცადინეობის დაწყება უკვე გადაწყვიტე, შეგიძლია ეს განცხადებები დაათვალიერო და სასურველი საგნის პედაგოგი მოძებნო. შემოთავაზებული ალტერნატივებიდან კი თავად შეგიძლია აირჩიო ინდივიდუალურად გსურს მომზადება, თუ ჯგუფთან ერთად.

ახალი სამსახურის ძებნა დაიწყო

თუ იმ ადამიანთა რიცხვს მიეკუთვნები, რომლებსაც არც ერთი წამის დაკარგვა არ უყვართ, მაშინ სულაც არ არის საჭირო ახალი სამსახურის ძიების პროცესის დასაწყებად ზაფხულის დასრულებას დაელოდო. სასურველი ვაკანსიის პოვნა, გაგზავნილ რეზიუმეებზე პასუხის მიღება და გასაუბრების ეტაპები იმაზე დიდ ხანს გრძელდება, ვიდრე ერთი შეხედვით ჩანს. ამიტომ, საჭიროა თადარიგი წინასწარ დაიჭირო, სასურველ პოზიციებზე რეზიუმეები დაგზავნო და არ არის გამორიცხული, ახალი სამსახური ზაფხულიდანვე დაიწყო. განახლებად ვაკანსიებს კი აქ შეგიძლია ადევნო თვალი.

თუ დასვენებას და თვითგანვითარებას ერთმანეთს შეუთავსებ, ზაფხული ახალი შესაძლებლობების პერიოდად იქცევა. ხოლო იმისთვის, რომ ეს დრო პროდუქტიულად გამოიყენო, SS.ge-ის განათლებისა და დასაქმების ვებგვერდები შენს მეგზურად დღესვე შეგიძლია აქციო.