კვირის რომელ დღეებში აქტიურდებიან უძრავი ქონების მყიდველები?

2559

30.07.2024 13:57:02

უძრავის ქონების ბაზარზე წარმატებულად ოპერირება მრავალ ფაქტორზეა დამოკიდებული, ხოლო გამოცდილმა ბროკერებმა ისიც იციან, რომ ამ სფეროში ერთ წუთსაც კი გადამწყვეტი მნიშვნელობა შეიძლება ჰქონდეს. მყიდველები უმეტესად მათთვის ხელსაყრელი შეთავაზებებით ინტერესდებიან, თუმცა კიდევ უფრო მნიშვნელოვანია უძრავი ქონება მათ ზუსტად მაშინ შესთავაზო, როცა ეძებენ. ამისათვის კი შემდეგ შეკითხვაზე პასუხი უნდა იცოდე:

კვირის რომელ დღეებში აქტიურდებიან უძრავი ქონების მყიდველები?

როგორც აღმოჩნდა, განცხადებების დათვალიერებას ყველაზე დიდ დროს მყიდველები შაბათ-კვირას უთმობენ. მართალია, უძრავის ქონების განცხადებები კვირის სხვა დღეებშიც ბევრმა ადამიანმა შეიძლება ნახოს, თუმცა SS.ge-ის მონაცემებით, ვებგვერდზე განთავსებულ განცხადებებს პოტენციური მყიდველები შაბათ-კვირას უფრო დიდხანს ათვალიერებენ. შაბათ-კვირას უძრავი ქონების მიმართ ინტერესის ზრდა როგორც ქართული, ისე უცხოური ბაზრისთვისაც დამახასიათებელი ტენდენციაა, რაც შემდეგი მიზეზებით აიხსნება:

მეტი თავისუფალი დრო — სამსახურისგან და ყოველდღიური ვალდებულებებისგან შაბათ-კვირას შედარებით უფრო თავისუფალნი ვართ. ეს ფაქტორი პოტენციურ მყიდველებს საშუალებას აძლევს, რომ უძრავი ქონების განცხადებები აუჩქარებლად და დეტალურად დაათვალიერონ.

ოჯახის წევრების მონაწილეობა — უძრავი ქონების შეძენა ხშირად ოჯახური გადაწყვეტილებაა. შაბათ-კვირას კი, როცა ოჯახის წევრები სახლში არიან, საშუალება აქვთ, ერთად განიხილონ განცხადებები, შეაფასონ შემოთავაზებები და საერთო გადაწყვეტილება მიიღონ.

მშვიდი განწყობა — უძრავი ქონების შეძენა მნიშვნელოვანი გადაწყვეტილებაა, რომლის მიღებასაც მშვიდი განწყობა სჭირდება. შაბათ-კვირა კი ის პერიოდია, როცა სტრესი ნაკლებია, კონცენტრაცია კი — მეტი. ბაზრის საკვლევად და უძრავი ქონების შესარჩევად პოტენციური მყიდველები სწორედ ამ დროს იყენებენ.
ასე რომ, შაბათ-კვირა სწორედ ის დროა, როდესაც პოტენციური მყიდველები მაქსიმალურად შეგიძლია დააინტერესო. ხოლო იმისთვის, რომ შენი განცხადებები სწორედ ამ დღეებში გააქტიურო, SS.ge-ის VIP სერვისები დაგეხმარება.

როგორ მუშაობს SS.ge-ის VIP სერვისები?

იმისათვის, რომ SS.ge-ის უძრავი ქონების პორტალზე შენი განცხადება გამორჩეული იყოს და ეფექტური ნახვების რაოდენობა ჰქონდეს, 3 ტიპის VIP სერვისს გთავაზობთ: SUPER VIP, VIP+ და VIP. SUPER VIP სერვისის გააქტიურების შემდეგ შენი განცხადება SS.ge-ის მთავარ გვერდზე სპეციალურად გამოყოფილ ბლოკში გამოჩნდება, რაც მომხმარებლებს ამ ტიპის განცხადებების დათვალიერებას უადვილებს. ამასთანავე, უძრავი ქონების ძებნისას SUPER VIP-ით განთავსებული განცხადება ყველა სხვა განცხადებაზე წინ ჩნდება, რაც იმას ნიშნავს, რომ მის ნახვას გაცილებით მეტი პოტენციური მყიდველი შეძლებს. SUPER VIP-ის გააქტიურების შემდეგ განცხადებაზე ნახვების რაოდენობა საშუალოდ 30-ჯერ იზრდება.

რაც შეეხება VIP+ სერვისს, მისი გააქტიურება განცხადებაზე ნახვების რაოდენობას საშუალოდ 10-ჯერ ზრდის. VIP+ განცხადება სპეციალურ ბლოკში VIP და სტანდარტული განცხადებების თავზე გამოჩნდება. ხოლო VIP სერვისის გააქტიურება განცხადებებზე ნახვების რაოდენობას 20-ჯერ ზრდის.

VIP სერვისებიდან სასურველის გააქტიურებას და SS.ge-სგან დამატებით საინტერესო შემოთავაზებების ნახვას ამ ბმულზე შეძლებ.