რა ხდება უძრავი ქონების ბაზარზე – სექტემბრიდან საცხოვრებელ უძრავ ქონებაზე ფასის ზრდაა მოსალოდნელი

ამ სტატიაში 2024 წლის მეორე კვარტლის უძრავი ქონების ბაზრის ანალიზს გაეცნობით და ასევე გაიგებთ რა ელოდება საქართველოს უძრავი ქონების ბაზარს მომავალში. ხოლო, თქვენთვის საინტერესო უბანში ფასების ნახვა ასევე, SS.GE-ის პრემიუმ სერვისითაც შეგიძლიათ.

საქართველოს კურორტებზე საცხოვრებელი უძრავი ქონება გაძვირდა

გალტ & თაგარტმა 2024 წლის მეორე კვარტლის რეგიონული საცხოვრებელი უძრავი ქონების შესახებ  მიმოხილვა გამოაქვეყნა, რომლის მიხედვითაც, საქართველოს კურორტებზე მნიშვნელოვანი ცვლილებები გამოკვეთა. კერძოდ ცნობილი გახდა, რომ  ქობულეთში ბინები გაძვირდა. ქობულეთის პირველად ბაზარზე უძრავი ქონების საშუალო ფასი $1,221/მ2 -ს გაუტოლდა, რაც აღნიშნულ ლოკაციაზე პრემიუმ პროექტების მიწოდების ზრდით არის განპირობებული.

თუმცა, მიმოხილვაში ასევე აღნიშნულია, რომ 2024 წლის მეორე კვარტალში, უძრავი ქონების ბაზრის ზომა ქობულეთში წლიურად 11.5%-ით შემცირდა და 10.2 მლნ აშშ დოლარი შეადგინა, რაც წინა წლის მაღალმა ეფექტმა განაპირობა.

ამასთანავე, ფასის ზრდა იკვეთება სხვა რეგიონებშიც. ბაზარი დინამიკურად ვითარდება საქართველოს სამთო კურორტებზე. 2024 წლის II კვარტალში გუდაურში 74 ბინა გაიყიდა, რაც წლიურად 1.3%-იანი შემცირებაა. 

გალტ & თაგარტის კვლების თანახმად, II კვარტალში ამ სამთო კურორტზე ბინების საშუალო ფასი უცვლელი დარჩა და $1,420 შეადგინა კვადრატულ მეტრზე. ამასთანავე, გუდაურში გაყიდული ბინების ჯამურმა ღირებულებამ 4.5 მლნ აშშ დოლარი შეადგინა, რაც წლიურად 12.3%-იანი ზრდაა.

რაც შეეხება ბაკურიანს, გალტ & თაგარტის მიმოხილვის მიხედვით აქ მეორე კვარტალში 221 ბინა გაიყიდა, რაც წლიურად 5.7%-იანი ზრდაა. ამასთანავე, ბაკურიანში ბინების საშუალო შეწონილი ფასი წლიურად 7.8%-ით გაიზარდა და $1,092 შეადგინა მეტრ კვადრატზე. ხოლო, გაყიდული ბინების ჯამურმა ღირებულებამ 10.3 მლნ აშშ დოლარი შეადგინა, რაც ბაკურიანში წლიურად 14.7% იანი ზრდაზე მეტყველებს.

ბაკურიანში და არა მარტო, ფასების დინამიკის შესახებ, შეგიძლია დეტალური ინფორმაცია მიიღო SS.GE-ის პრემიუმ სერვისის მეშვეობით. ადევნეთ თვალყური რეალურ დროში, როგორც იცვლება კვ.მ-ის ღირებულება თქვენთვის საინტერესო ქალაქებში დროის სასურველ მონაკვეთში.

სექტემბრიდან ბინები საქართველოს მთელ ტერიტორიაზე გაძვირდება

სექტემბრიდან მოსალოდნელია საცხოვრებელი უძრავი ქონების გაძვირება საქართველოს მთელ ტერიტორიაზე, რის შესახებაც, „ნოუბლ რიალ ისთეითი“ თანადამფუძნებელმა ვაჟა მებაღიშვილმა ისაუბრა „ბიზნესპრესნიუსთან“.

ვაჟა მღებრიშვილი, – „სექტემბრიდან, დიდი ალბათობით, სხვა სურათი იქნება უძრავი ქონების ბაზარზე. დაკვირვებამ აჩვენა, რომ სექტემბრიდან, როდესაც დასვენების პერიოდი სრულდება, უძრავი ქონების ბაზარი აქტიურდება. წელს ამას ემატება ისიც, რომ საარჩევნო წელია, რაც ასევე გავლენას ახდენს მოთხოვნაზე. ბევრი განმაპირობებელი ფაქტორია და შესაბამისად, ძალიან კომპლექსური თემაა, რომელზეც კონკრეტული ერთი პროგნოზის გაკეთება რთულია.

რაც შეეხება უძრავი ქონების ფასებს, დეველოპერული კომპანიები ბინების გაძვირებას აანონსებენ, – „იმაზე საუბარი, რომ შესაძლოა, იყოს ფასების კლების ტენდენცია, არარეალურია. მოლოდინი იმისი უფრო არის, რომ ბინებზე ფასები მოიმატებს“, – აღნიშნავს ვაჟა მებაღიშვილი.