რომელი პროფესიებია მოთხოვნადი საქართველოში ბოლო პერიოდში

ადგილობრივ ბაზარზე კვების ობიექტების რაოდენობა ბოლო წლებში მნიშვნელოვნად გაიზარდა და ბუნებრივია, რომ მზარეულებიც მოთხოვნადები გახდნენ. ეს ტენდენცია, ერთი მხრივ, ტურიზმის განვითარებას, ხოლო მეორე მხრივ, მოსახლეობის მხრიდან როგორც ადგილობრივ, ისე უცხოურ სამზარეულოებზე მოთხოვნის ზრდას უკავშირდება. კვების ობიექტების მრავალფეროვნება კი ახალ სამუშაო ადგილებსა და შესაძლებლობებს ქმნის როგორც გამოცდილი, ისე დამწყები მზარეულებისთვის. თუ გამოცდილი მზარეული ხარ ან სურვილი გაქვს, რომ კულინარიაში პირველი ნაბიჯები გადადგა, აქ საინტერესო შემოთავაზებებს აუცილებლად იპოვი.

გაყიდვების მენეჯერი

სავაჭრო და მომსახურების სექტორის გაფართოებამ ქართულ ბაზარზე კონკურენციის სწრაფი ზრდაც გამოიწვია. ბიზნესის განვითარებისთვის კი საჭიროა, რომ კომპანიებმა გაყიდვების პროცესები ეფექტურად მართონ, ახალი მომხმარებლები მოიზიდონ და არსებული მომხმარებლების კმაყოფილების დონეზეც იზრუნონ. შესაბამისად, გაყიდვების მენეჯერებზე მოთხოვნაც მზარდია, რადგან სწორედ ისინი უზრუნველყოფენ, რომ კომპანია გამოწვევებსაც გაუმკლავდეს და სწორი სტრატეგიების დახმარებით გაყიდვებიც გაზარდოს. თუ უკვე მზად ხარ, ისეთ საინტერესო და აქტიურ სფეროში იმუშაო, როგორიც გაყიდვებია, ვაკანსიებს ამ ბმულზე შეგიძლია გაეცნო.

ტრენერი

ჯანსაღი ცხოვრების წესის მიმართ ცნობიერების გაზრდამ ფიტნეს ინდუსტრია ერთ-ერთ მნიშვნელოვან სფეროდ აქცია. ალბათ, დღეს უკვე ყველას გვყავს მინიმუმ ერთი მეგობარი ან ნაცნობი, რომელიც ფიტნეს დარბაზში დადის და ამ გზით ფიზიკურ ჯანმრთელობასთან ერთად, მენტალურ კეთილდღეობაზეც ზრუნავს. შესაბამისად, შრომის ბაზარზე ტრენერებზე მოთხოვნა საკმაოდ მაღალია, რადგან დამწყებ მოვარჯიშეს სწორი და ეფექტური ვარჯიშების შესახებ გამოცდილი ადამიანის რჩევა სჭირდება. როგორც ფიტნესის, ისე სპორტის სახეობებთან დაკავშირებული ვაკანსიების პოვნა აქ შეგიძლია.

ძიძა

შრომის ბაზარზე გაზრდილი კონკურენციის გამო ხშირია შემთხვევები, როცა ოჯახის ყველა წევრი სრულ განაკვეთზე მუშაობს. იმისთვის, რომ მშობლებმა კარიერასა და ოჯახს შორის ბალანსი შეინარჩუნონ, ბავშვი დღის მნიშვნელოვან ნაწილს ძიძასთან ერთად ატარებს. განათლების ხელშეწყობა ადრეული ასაკიდანვე მნიშვნელოვანია, რაც ზრდის მოთხოვნას პროფესიონალ ძიძებზე, რომლებიც ბავშვებზე არა მხოლოდ ზრუნავენ, არამედ მათ ინტელექტუალურ და ემოციურ განვითარებაშიც ეხმარებიან. თუ ბავშვებთან ურთიერთობა კარგად გამოგდის და ძიძობის გამოცდილებაც გაქვს, ამ მიმართულებით საკმაოდ ბევრ შემოთავაზებას SS.ge-ის დასაქმების პორტალზე ნახავ.