ამწე კალათა თბილისში - მარტივი გამოძახება და ეფექტური გადაწყვეტილებები

თანამედროვე სპეცტექნიკა მნიშვნელოვნად ამარტივებს რთული სამშენებლო, სარეკლამო თუ სამაშველო სამუშაოების შესრულებას. ტექნიკური საშუალებები, მაგალითად, ამწე კალათა აქტიურად გამოიყენება ისეთი ბინების ავეჯისგან დასაცლელად, სადაც მძიმე წონის ლიფტით გადატანა აკრძალული ან შეუძლებელია. იმის გამო, რომ თბილისი უმეტესად ძველი კორპუსებით არის განაშენიანებული, ასეთი ბინები მრავლადაა.

ბოლო პერიოდში მოთხოვნა სწორედ ამწე კალათის მსგავს მრავალფუნქციურ სპეცტექნიკაზე გაიზარდა (ამწე კრანი, ამწე მანიპულატორი და სხვა). ამწე კალათა სხვადასხვა სამუშაოს შესასრულებლად  შეიძლება დასჭირდეს როგორც კომპანიებს, ისე ფიზიკურ პირებს. 

რატომ გაიზარდა მოთხოვნა ამწე კალათაზე და კონკრეტულად რა ტიპის სამუშაოების შესასრულებლად გამოიყენება ის?

ამწე კალათა უნივერსალური ტექნიკური საშუალებაა, რომლის მეშვეობითაც უსაფრთხოდ არის შესაძლებელი სიმაღლეებზე მუშაობა. არსებობს სხვადასხვა სიმაღლის ამწე კალათა, მათ შორის 12, 14, 16, 32-მეტრიანი და მეტი, რომელსაც დამკვეთი საკუთარი საჭიროების შესაბამისად არჩევს. ბაზარზე მისი ქირაობის ფასი ტექნიკის მახასიათებლების მიხედვით განისაზღვრება. 

თავისი უნივერსალურობიდან გამომდინარე, ამწე კალათა აქტიურად გამოიყენება სხვადასხვა სფეროში. ბოლო პერიოდში აღნიშნულ სპეცტექნიკაზე მოთხოვნა განსაკუთრებით გაიზარდა ისეთი საქმიანობებისთვის, როგორიცაა:

• შენობის გარე ფასადზე ან ბილბორდზე სარეკლამო ინსტალაციის მონტაჟი - ამ შემთხვევაში ამწე კალათა შეუცვლელი ტექნიკური საშუალებაა, რომელიც ზოგავს დროს და უზრუნველყოფს უსაფრთხოებას;

• მაღალი შენობის გარე ფასადის სარემონტო სამუშაოები - თბილისში აქტიურად მიმდინარეობს ახალი საცხოვრებელი კორპუსებისა და კომპლექსების სამშენებლო სამუშაოები, შესაბამისად გარე ფასადის რემონტისა და მოპირკეთებისთვის ამწე კალათაზე მოთხოვნა მნიშვნელოვნად არის გაზრდილი. კომპანიები ხარჯების დაზოგვის მიზნით აღნიშნულ სპეცტექნიკას უმეტესად ქირაობენ;

• სახანძრო და სამაშველო ოპერაციები - ასეთ გადაუდებელ ვითარებებში შენობაში გარედან შესაღწევად ან ევაკუაციისთვის ამწე კალათა ერთ-ერთი აუცილებელი სპეცტექნიკაა;

• მაღალი შენობებიდან მძიმე ნივთების ჩამოტანა და სამშენებლო სამუშაოებისას მასალების სიმაღლეზე აწევა ან ჩამოზიდვა  - აღნიშნული სერვისებისთვის ამწე კალათას აქტიურად ქირაობენ როგორც იურიდიული, ისე ფიზიკური პირები.

ამწე კალათის ან ამწე კრანის ქირაობა კომპანიებისთვის ოპტიმალური გადაწყვეტაა, რადგანაც სპეცტექნიკის შეძენა ისეთ დამატებით ხარჯებთან არის დაკავშირებული, როგორიცაა სერვისი, კვალიფიციური პერსონალის დაქირავება, საწვავი და სხვა. ამასთან, მშენებლობისას უსაფრთხოების თვალსაზრისით ამწე კალათა ხარაჩოებზე უფრო სანდო საშუალებად მიიჩნევა და კომპანიებიც ნაკლები რისკის გაწევაზე არიან ორიენტირებულები. 

ამწე კალათა გამოძახებით წარმოდგენილია განცხადებების სხვადასხვა პლატფორმაზე, სადაც სასურველი მახასიათებლების მქონე სპეცტექნიკას შეარჩევთ და თავად შეუთანხმდებით მძღოლს. როგორც აღნიშნულ ვებგვერდებზე განთავსებული განცხადებებიდან იკვეთება, ამწე კალათის მომსახურების ღირებულება 80 ლარიდან იწყება (1 საათის ფასი) და დროისა და დღეების მიხედვით იზრდება. ფასები განსხვავდება ტექნიკის სიმაღლის მიხედვითაც. 

ამწე კალათის გამოძახებისას გასათვალისწინებელია რამდენიმე დეტალი:

• სიმაღლე, რომელზეც სამუშაოები უნდა შესრულდეს - თავდაპირველად ეს საკითხი უნდა გაითვალისწინოთ და ისე შეარჩიოთ სასურველი სიმაღლის სპეცტექნიკა;

• ამინდი - ნისლიან ან წვიმიან ამინდში ამწე კალათის გამოძახება რეკომენდებული არ არის, რადგან რთული კლიმატური პირობები ერთი მხრივ საფრთხეს უქმნის პერსონალს და მეორე მხრივ, აფერხებს სამუშაოს ეფექტიანად შესრულებას;

• შეძლებს თუ არა სპეცტექნიკა თქვენს ქუჩაზე შემოსვლას და ხომ არ შეაფერხებს ის მოძრაობას - თბილისის ზოგიერთი უბანი მჭიდროდ არის დასახლებული, რის გამოც სპეცტექნიკის შეყვანა გარკვეულ დისკომფორტს ქმნის, ამიტომ აღნიშნული საკითხის მხედველობაში მიღება დაგიზოგავთ დროს და დამატებით ხარჯებს აგაცილებთ თავიდან. რეკომენდებულია, წინასწარ გაათავისუფლოთ ამწე კალათის გასაჩერებელი ადგილი;

• ამწე კალათის ქირაობისას უმჯობესია დეტალურად ჩააყენოთ პერსონალი საქმის კურსში სამუშაოს სპეციფიკასთან დაკავშირებით, რათა დროულად დაიწყოთ სამუშაოები.