რა ღირს მიწის ნაკვეთი თბილისის შემოგარენში

289

24.04.2025 14:59:37

თბილისსა და მის შემოგარენში მიწის ნაკვეთებზე მოთხოვნა ბოლო წლებში საგრძნობლად გაიზარდა. უფრო და უფრო მეტ ადამიანს სურს, რომ დედაქალაქსა და მასთან ახლომდებარე ადგილებში მიწის ნაკვეთი შეიძინოს როგორც საცხოვრებელი სახლის ასაშენებლად, ისე საინვესტიციო მიზნით. მიწის ნაკვეთის ფასს ბევრი ფაქტორი განაპირობებს მათ შორის: ადგილმდებარეობა, განაშენიანების პერპექტივა, ინფრასტრუქტურის და ტრანსპორტის ხელმისაწვდომობა, მოთხოვნის ზრდა. ეს უკანასკნელი, ბუნებრივია, ყველაზე ეფექტურად მოქმედებს ფასის ზრდაზე.

მიწის ნაკვეთი უკვე დიდი ხანია აღარ განიხილება მხოლოდ როგორც ფიზიკური ქონება — ის ინვესტიციაა, რესურსია და ზოგჯერ სტრატეგიული უპირატესობაც. სწორედ ამიტომ, ფასების დინამიკის სწორად გაგება გვეხმარება უკეთესი გადაწყვეტილებების მიღებაში, იქნება ეს ინდივიდუალური შეძენა, დეველოპერული პროექტი თუ გრძელვადიანი ინვესტიცია.

SS.ge-ის მონაცემებზე დაყრდნობით გთავაზობთ მიწის ნაკვეთების ფასების ცვლილებას ყველაზე მოთხოვნად 12 ლოკაციაზე, თბილისის შემოგარენში.

ტაბახმელა

ტაბახმელა უკვე წლებია პოპულარულია მათთვის, ვინც დედაქალაქთან სიახლოვეს მშვიდ გარემოს ეძებს. ბოლო კვარტალში მიწის ფასი იყო დაახლოებით 80 USD/მ², ხოლო ერთი წლის წინ იგივე მაჩვენებელი იყო დაახლოებით 100 USD/მ² — შეინიშნება მსუბუქი კლება.

წავკისი

წავკისს უპირატესობას ანიჭებენ ისინი, ვინც ბუნებასთან სიახლოვეს, თუმცა კვლავ თბილისთან კავშირს ეძებს. მიწის ფასი ამჟამად არის 145 USD/მ², მაშინ როცა წინა წელს დაახლოებით 130 USD/მ² იყო. მოთხოვნა იზრდება მცირე ნაკვეთებზე საცხოვრებელი სახლების ასაშენებლად.

კოჯორი

კოჯორი მრავალი წელია ითვლება აგარაკების კლასიკად. აქ ბოლო პერიოდში აქტიურდება მრავალბინიანი პროექტების ინტერესიც. მიწის ფასი ამჟამად შეადგენს 93.33 USD/მ², წინა წელს კი იყო 110 USD/მ². განვითარებას ხელს უწყობს არსებული ინფრასტრუქტურა და ტყესთან სიახლოვე.

წყნეთი

წყნეთი გამოირჩევა უმაღლესი კლასის საცხოვრებელი სტატუსით. ინფრასტრუქტურის განახლება და კეთილმოწყობილი გარემო აქ მუდმივ ინტერესს ინარჩუნებს. ამჟამინდელი ფასი შეადგენს 349.62 USD/მ², წინა წელს — 400.64 USD/მ². ადგილობრივ მყიდველებთან ერთად აქტიურია უცხოელების ინტერესიც.

შინდისი

შინდისი მშვიდობიანი ზონაა მათთვის, ვინც ქალაქის ხმაურს გარიდებული სივრცე ეძებს. მიწის ფასი ამჟამად არის 157.28 USD/მ², რაც წინა წლის 163.04 USD/მ²-ზე ოდნავ ნაკლებია. ეს მიუთითებს შედარებით სტაბილურ ბაზარზე.

კიკეთი

კიკეთი სწრაფად ვითარდება და ხდება თბილისიდან გასასვლელის ერთ-ერთი ყველაზე პერსპექტიული ზონა. მიწის ფასი ამჟამად შეადგენს 78.57 USD/მ², წინა წელს — 83.33 USD/მ². აქ ხშირია როგორც აგარაკის, ისე დეველოპერული ინტერესი.

დიდი ლილო

დიდი ლილო საინტერესოა იმით, რომ ჯერ კიდევ ინარჩუნებს ერთ-ერთ ყველაზე ხელმისაწვდომ ფასს: 82.76 USD/მ², წინა წელს — 66.67 USD/მ². შესაფერისია საინვესტიციო პროექტებისთვის, სადაც შედარებით დაბალ ფასში შესაძლებელია ფართო ნაკვეთების შეძენა.

თხინვალა

თხინვალაში მიწის ფასები ბოლო კვარტალში აქტიურად იცვლება. მედიანური ფასი ბოლო პერიოდში იყო 92.31 USD/მ², წინა წელს — 93.33 USD/მ². მოთხოვნა სტაბილურად იზრდება, განსაკუთრებით გაზაფხულზე.

ბეთანია
ბეთანია რჩება ერთ-ერთ ყველაზე ხელმისაწვდომ ლოკაციად, თუმცა ფასების ზრდის ტენდენცია ცხადია: 78.57 USD/მ² დღეს, ხოლო წინა წელს — 72.73 USD/მ². შესაფერისია მათთვის, ვინც შედარებით ნაკლებად განვითარებულ, თუმცა მშვიდ სივრცეს ეძებს.

ოქროყანა
ოქროყანა ბოლო პერიოდში გამორჩეულად გააქტიურდა — ფასის ზრდა მჭიდროდ არის დაკავშირებული ახლოს მდებარე პროექტებთან და კომუნიკაციების განვითარებასთან. ფასი ამჟამად არის 144.83 USD/მ², წინა წელს — 111.11 USD/მ².

სოფ. დიღომი
სოფ. დიღომი აქტიურად ვითარდება როგორც კერძო სახლებისთვის, ასევე მცირე დეცელოპერული პროექტებისთვის. მოთხოვნა იზრდება, რაც ფასზეც აისახება. ამჟამინდელი ფასი შეადგენს - 105 USD/მ²-ს, წინა წლის მონაცემებით - 95 USD/მ²
ლისის ტბა
ლისის ტბის მიმდებარე ტერიტორია ითვლება ერთ-ერთ ყველაზე პრესტიჟულ ზონად თბილისის შემოგარენში ბუნებრივი გარემო, რეკრეაციული პოტენციალი და ახალი პროექტების მზარდი რაოდენობა ფასზე მყარად აისახა: 2024 წელს 170 USD/მ², წინა წელს - 155 USD/მ²

აღნიშნული ლოკაციები მახასიათებლების მიხედვით რომ დავაჯგუფოთ ასეთ შედეგს ვიღებთ:
ზრდის პოტენციალი: ტაბახმელა, წყნეთი და ოქროყანა რჩებიან ლიდერ პოზიციებზე ფასის მატების მხრივ.

საინვესტიციო ზონები: ბეთანია, დიდი ლილო — დაბალი ფასი და სტაბილური ზრდა.

მომწიფებული ბაზრები: წყნეთი, წავკისი — ფასების სტაბილურობა.

ასეთია მიწის ნაკვეთის საშუალო ფასის დინამიკა თბილისის შემოგარენში. როგორც ვხედავთ, ფასები ყოველწლიურად იზრდება და არსებული ვარაუდით, 1მ²-ის საშუალო ფასი კიდევ უფრო მოიმატებს. ამის ერთ-ერთი მიზეზი მწირი მიწის ფონდი და მზარდი მოთხოვნაა — მიწის ნაკვეთის შეძენის მსურველების რაოდენობა არ მცირდება, პარალელურად არსებული მიწის ნაკვეთები ნელ-ნელა იყიდება, რაც დარჩენილ უძრავ ქონებაზე ფასს საგრძნობლად ზრდის.
თუ უფრო კონკრეტულად გაინტერესებთ, რა ღირს მიწის ნაკვეთი თბილისსა და მის შემოგარენში, ამის შემოწმება SS.ge-ზე თავად შეგიძლიათ: გადადით ბმულზე, შეიყვანეთ მიწის ნაკვეთის შესახებ ინფორმაცია, შემდეგ კი სტატისტიკის ნახვას დააკლიკეთ. SS.ge დიაგრამის სახით წარმოგიდგენთ 1მ² მიწის ნაკვეთის ფასის ცვლილების დინამიკას დროის სასურველ პერიოდშო, რაც გადაწყვეტილების მიღებაში დაგეხმარებათ.