ერთი სიტყვით, საქმე გვაქვს შენთვის - როგორ გეხმარება jobs.ss.ge სასურველი ვაკანსიის პოვნაში

“ერთი სიტყვით, საქმე გვაქვს შენთვის” - jobs.ss.ge -ის ახალი მესიჯი, რომელიც სრულიად პასუხობს ვებგვერდის ფუნქციონალსა და კომპანიის მიზნებს. 

სწრაფი ტექნოლოგიური განვითარება, აჩქარებული ცხოვრების ტემპი და სამუშაო პირობებთან დაკავშირებით ახალი თაობის მოთხოვნები აყალიბებს სრულიად განსხვავებულ რეალობას, რომელსაც jobs.ss.ge-მ სწრაფად აუწყო ფეხი. კერძოდ, დავნერგეთ სტრატეგია, რომელიც მორგებულია თანამედროვე შრომით ბაზარს და უპასუხებს გამოწვევებს, რომელიც აქამდე  სამსახურის მოძიებისას გქონდათ. 

ჩვენი სტრატეგია დამყარებულია თითოეული მომხმარებლისთვის პროცესის გამარტივებაზე, რაც  ცოტა ხნის წინ დანერგილ ცვლილებებში აისახა:

განახლდა პლატფორმა და შეიქმნა ინსტრუმენტები, რომელიც უფრო გაგიმარტივებს სასურველი ვაკანსიის მოძიებას  და შენი პროფესიული და ფინანსური მიზნების მიღწევაში დაგეხმარება. დაგვემატა ახალი ფუნქციონალები და ვებგვერდი კიდევ უფრო მორგებული გახდა სმარტფონზე. რაც მთავარია, Jobs.ss.ge-ზე განთავსებულია ასობით ვაკანსია, საიდანაც ზოგიერთ პოზიციაზე დასაქმებისთვის რეზიუმეც კი არ გჭირდება. 

სტრატეგიის ნაწილია, გაგიზიაროთ პროფესიული რჩევებიც, გიამბოთ სხვადასხვა სფეროს წარმომადგენლის ისტორიები და გაგაცნოთ ამა თუ იმ ინდუსტრიაში მუშაობის სპეციფიკა. ჩვენ ვზრუნავთ შენს ინფორმირებაზე და გეხმარებით, დასაქმების ბაზრის პულსზე გედოს ხელი, აიმაღლო მოტივაცია და გაიუმჯობესო პროფესიული უნარები. 

როგორც აღვნიშნეთ, სიმარტივე და სისწრაფე ჩვენი მთავარი ნიშაა და ახალი ფუნქციონალების შექმნისას სწორედ მათზე ვართ ფოკუსირებულები.გაგაცნობთ ამ მიზნით დანერგილ5 ფუნქციონალს, რომელიც სასურველი ვაკანსიების პოვნაში დაგეხმარება:

1. განახლდა ვებგვერდის დიზაინი, რაც სასურველი ვაკანსიის მოძიებას გაგიმარტივებს -  ახალი ვებ.გვერდი სწრაფი და მარტივად გასაგებია. დაიხვეწა კატეგორიების სტრუქტურაც, გაუმჯობესდა გვერდების ჩატვირთვის სიჩქარე და განახლდა ნავიგაცია - ასე რომ, შეგიძლია იპოვოთ ყველაფერი ზუსტად მაშინ, როცა გჭირდებათ და სადაც გჭირდებათ. 

2. ვაკანსიების მოძიებას რუკაზე შეძლებ, რაც  სასურველ ლოკაციაზე დასაქმებას გაგიმარტივებს - ფუნქციონალის გამოყენება უმარტივესია. უბრალოდ დააკლიკე ლოკაციას და ვებგვერდი თავად გიჩვენებს არსებულ ვაკანსიებს. 

3. დასაქმების ბაზრის უახლეს მოთხოვნებზე მორგებული კატეგორიები - ვაკანსიების ძიება ახლა ბევრად მიზნობრივი, მოქნილი და კონტექსტზე მორგებულია. პლატფორმას დაემატა ახალი, რეალურ საჭიროებებზე მორგებული ფილტრები და თემატური კატეგორიები, რომლებიც თქვენი ყოველდღიური ცხოვრების სტილსა და ინტერესებს ზუსტად ერგება.

4. Jobs.SS.ge-ზე ონლაინ რეზიუმეს შექმნითა და საჯაროდ გამოქვეყნებით უკვე შეძლებ, დამსაქმებლებმა თავად გიპოვონ - ჩვენს მთავარ გვერდზე „სამუშაოს მაძიებლების“ ველში, სწორედ რეზიუმეებია განთავსებული. გაიარე რეგისტრაცია,  შემდეგ დაამატე საკუთარი CV და მოემზადე ახალი შესაძლებლობებისთვის. ხოლო თუ რეზიუმე ჯერ არ გაქვს, ვებგვერდიდან გაუსვლელად შეგიძლია ძალიან მარტივად შექმნა და გადაგზავნო სასურველ ვაკანსიაზე. 

5. ვაკანსიების ელექტრონულ ფოსტაზე გამოწერით შეძლებ, თვალი მიადევნო უახლეს შეთავაზებებს და უფრო მარტივად დასაქმდე სასურველ პოზიციაზე - ჩვენი ახალი ფუნქციონალი საშუალებას მოგცემს, დარჩე საქმის კურსში და აქტიურად მიადევნო თვალი ახალ ვაკანსიებს.

ერთი სიტყვით, საქმე გვაქვს შენთვის, რა პროფესიისა და ინტერესებისაც არ უნდა იყო.