სილამაზე არასრულყოფილებაშია - ინტერიერის დიზაინის იაპონური საიდუმლო

შეწებების შემდეგ ნივთი ერთი შეხედვით დაუსრულებელი და არასრულყოფილია, რაც მას ხასიათსა და მიმზიდველობას სძენს. 

2. მა - სიცარიელე და სივრცე

კონცეფცია გულისხმობს „შეჩერებას“ და იმის დაფასებას, რაც გარშემო გვაქვს. ფილოსოფია ეფუძნება ბალანსსა და რიტმს, სივრცის მაქსიმალურად გათავისუფლებას ზედმეტი ნივთებისგან.

თანამედროვე ინტერიერის დიზაინში Ma-ს მაგალითებია:

• ღია გეგმარების ოთახები მინიმალური, მხოლოდ ფუნქციური ავეჯით;

• დიდი, ნათელ ფერებში გადაწყვეტილი კედლები, რომელიც სივრცისა და სიცარიელის განცდას ქმნის;

• ჩამოკიდებული თაროები ან სახასიათო დეკორი, რომელიც სივრცეს კიდევ უფრო გამოკვეთს. 

3. შიბუი - დახვეწილი ფორმები და ელეგანტურობა

შიბუი დახვეწილი სილამაზის ფილოსოფიაა, რომელიც ინტერიერის დიზაინში თვალშისაცემი ფუფუნების საგნების ნაცვლად, ელეგანტური დეკორითა და საგნებით გამოიხატება. 

თანამედროვე დიზაინში შიბუი ერთ-ერთი ყველაზე გავრცელებული მიმდინარეობაა და კომერციულ სივრცეებსა თუ სახლებში შემდეგნაირად არის წარმოდგენილი:

• ნეიტრალური ფერთა გამა (მათ შორის, დედამიწის ტონები, ღია ნაცრისფერი, ბუნებრივი მწვანე და სხვა);

• ბუნებრივი ტექსტურა და მასალები, რომელიც ინტერიერს სირღმეს სძენს - ტილოს ნაჭერი, ქვა, მინიმალურად დამუშავებული ხე;

• დახვეწილი, ელეგანტური ავეჯი, რომელიც არ ეფუძნება ტენდენციებს და თაობებისთვის არის შექმნილი.

ინტერიერის დიზაინერები შიბუის ფილოსოფიას ჰარმონიული სივრცეების დასაგეგმარებლად მიმართავენ. 

4. კანსო - სიმარტივე

ინტერიერის დიზაინში კანსო ერთგვარი შეხსენებაა, რომ მშვიდი ცხოვრების გარანტი სიმარტივეა. ის ეფუძნება ფუნქციურობას, ზედმეტისგან გათავისუფლებას - ყველა ნივთს თავისი დატვირთვა უნდა ჰქონდეს, სხვა შემთხვევაში, არასაჭიროა.

კანსოს მახასიათებლები:

• მინიმალური რაოდენობით ავეჯი;

• ჩაშენებული სათავსოები, სადაც ყოველდღიურ ნივთებს მოვათავსებთ, ზედაპირზე დაწყობის ნაცვლად;

• მონოქრომული ან ბუნებრივი ფერთა გამა, რომელიც კონტურებს გამოკვეთს. 

5. სეიჯაკუ - სიმშვიდე

ბალანსი, ბუნებრიობა, სიდინჯე, გონებამახვილობა - ეს სეიჯაკუს ფილოსოფიაა, რომელიც თანამედროვე სივრცეებში ადამიანებს ჰორმონიულობის მიღწევაში ეხმარება. 

ინტერიერში ის ძირითადად გამოისახება:

• მცენარეეებით - ბონსაი და  ხის მსგავსი სხვა ნარგავები;

• ბუნებრივი ვენტილაციითა და მსუბუქი განათებით;

• მედიტაციისა და საკითხავი კუთხეებით, ტატამის დასაფენებით. 

იაპონური კულტურა, ხელოვნება და დიზაინი არაფერია, თუ არა ბედნიერების პოვნა სიმარტივესა და მინიმალიზმში. საკუთარი სახლის ამგვარად მოდერნიზაცია კი პირველი, მაგრამ ალბათ მთავარი ნაბიჯია ჰარმონიული ცხოვრებისკენ.