![გეგმა](https://static.ss.ge/20230127/80a5e30b-6348-48b4-88b2-898767f32581.jpg)
რამდენად რეალურია ორი ბინის ყიდვა და გაერთიანება
ორი ბინის გაერთიანება, საუკეთესო შემთხვევაში, საცხოვრებელი სახლის მშენებლობის ეტაპზე ხდება. ამ დროს თავად მშენებელი შეგიწყობთ ხელს მოარგოთ ორი ბინა ერთმანეთს. თუმცა, არც დასრულებული სახლების გაერთიანებაა შეუძლებელი, მართალია, ამ დროს უკვე გარკვეული სირთულეები შეიქმნება წარმოიქმნას.
ორი ბინის გაერთიანებას აქვს დადებითი და უარყოფითი მხარეები. ყველაზე მთავარი, ყოველთვის ფართის გაზრდაა, ასევე შეამცირებთ კომუნალურ გადასახადებს, გექნებათ ოთახების მრავალფეროვანი განლაგება. მაგრამ როგორ შეარჩიოთ ამისთვის ბინები. ერთ სართულზე თუ ერთმანეთის თავზე. როგორია ბინების გაერთიანების იურიდიული მხარე.
სამართლებრივი ნაწილი
საქართველოს კანონმდებლობით. იურიდიულად ორი ბინის გაერთიანების არანაირი პრობლემა არ არსებობს. საჯარო რეესტრის ეროვნული სააგენტოს ვებგვერდზე გამოქვეყნებულია დოკუმენტი საკუთრების უფლების რეგისტრაცია უძრავი ნივთების გაერთიანების საფუძველზე. როგორც დოკუმენტში ვკითხულობთ, - „მესაკუთრეს შესაძლებელია საკუთრებაში ჰქონდეს რამდენიმე უძრავი ნივთი. იმ შემთხვევაში, თუ უძრავი ნივთები (ორი ან/და მეტი) ერთმანეთის მომიჯნავედ მდებარეობენ, მესაკუთრეს შეუძლია მათი გაერთიანება და საკუთრების უფლების რეგისტრაცია გაერთიანების შედეგად მიღებულ ერთ უძრავ ნივთზე“.
თუმცა, კანონმდებლობას აქვს მოთხოვნები, რომლის თანახმადაც, -„უძრავი ნივთის გაერთიანებისას აუცილებელია დამზადდეს გაერთიანების შედეგად წარმოშობილი
უძრავი ნივთის საკადასტრო აზომვითი ან/და შიდა აზომვითი ნახაზები“.
მშენებარე რეგისტრირებული ბინების გაერთიანების შემთხვევაში:
1) თუ მშენებარე ბინები რეგისტრირებულია პროექტის (ინდივიდუალური ფართის) შესაბამისად, გაერთიანების შემთხვევაში წარმოსადგენია შესაბამისი მუნიციპალიტეტის/ არქიტექტურის სამსახურის თანხმობა;
2) თუ მშენებარე ბინები არ არის რეგისტრირებული პროექტის (ინდივიდუალური ფართის) შესაბამისად და ხდება ასეთი ბინების გაერთიანება, წარმოსადგენია შესაბამისი მუნიციპალიტეტის/არქიტექტურის სამსახურის თანხმობა გარდა იმ შემთხვევისა, როდესაც გაერთიანების შედეგად მიიღება პროექტის შესაბამისი ინდივიდუალური ფართი;
3) თუ მოთხოვნილია ექსპლუატაციაში მიღებული ბინების გაერთიანება, წარმოსადგენია შესაბამისი მუნიციპალიტეტის/არქიტექტურის სამსახურის თანხმობა.
დაიწყეთ ბინის დაგეგმარება
პირველ რიგში, სველი წერტილები შეამოწმეთ. მას შემდეგ, რაც იურიდიულ საკითხებს მოაგვარებთ, ბინების გეგმაზე მონიშნეთ სველი“ წერტილები, რომელიც სამზარეულოს და აბაზანა-ტუალეტს მოიცავს. მონიშნეთ გეგმაზე დერეფნების, კარადების ადგილის და სხვა დამხმარე ნაგებობების საზღვრები.
ეს აუცილებელია იმისთვის, რომ განვსაზღვროთ, სად შეგიძლიათ ახალი სამზარეულო მოათავსოთ, სველი წერტილები და სამრეცხაო ადგილები და მკაცრად დაიცვათ საზღვრები - სამზარეულო და სანიტარული აღჭურვილობა მხოლოდ სველ წერტილებშია დასაშვები.
სრულყოფილი გახადეთ დეტალები
თუ საძინებლის ან საბავშვო ოთახის განთავსებას თქვენ აპირებთ სამზარეულოს ადგილას, მაგრამ ბოლო სართულზე არ ცხოვრობთ და ზევიდან მეზობლების სამზარეულო უნდა იყოს, საქმე რთულდება. თუმცა, გამოსავალი არსებობს: აქ შეეცადეთ განათავსოთ, ვთქვათ, სამუშაო ოთახი, ბიბლიოთეკა ან გასახდელი ოთახი. გახსოვდეთ, რომ აკრძალულია აბაზანის (აბაზანის ან შხაპის) განთავსება სამზარეულოს ადგილას ან სამზარეულო ადგილას აბაზანის.
სად იქნება შესასვლელი
გადაწყვიტეთ ორი შესასვლელი კარიდან რომელს დატოვებთ ახალი ბინის მთავარ შესასვლელად. ეს ჩვეულებრივ მაშინ ხდება, როდესაც დიზაინერი განლაგების ორ ან მეტ ვარიანტს წარმოგიდგენთ. თუ თავად ხართ თქვენი სახლის დიზაინერი, მაშინ საქმე წინასწარ იფიქრეთ შემოსასვლელ კარზე/
უფრო მოსახერხებელი და ერგონომიულად გამართლებულია, როცა შესასვლელიდან ე.წ. საზოგადოებრივ სივრცეში, - მისაღებში აღმოჩნდებით, ხოლო კერძო ზონა, სადაც განთავსებულია საძინებლები და სველი წერტილები, შედარებით იზოლირებული უნდა იყოს.
![](https://static.ss.ge/20230127/3a705a7b-52ec-40bf-a1d9-3238c482fb70_Thumb.jpg)
![popular blog image](https://static.ss.ge/49c73942-1514-467d-8f2b-667dbdf14226.jpg)
![](/img/seperatorBlogs.png)
![popular blog image](https://static.ss.ge/24ad0e17-afc4-4f5f-90bc-07c16d5067a8.jpg)
![](/img/seperatorBlogs.png)
![popular blog image](https://static.ss.ge/836bda56-5801-46e2-916c-c94e295f37ae.jpg)
![](/img/seperatorBlogs.png)
![popular blog image](https://static.ss.ge/155ca949-8bf1-4ab1-add8-4cef1c59134e.jpg)
![](/img/seperatorBlogs.png)