გაზაფხულზე საქართველოში უძრავი ქონების ყიდვის უპირატესობები: რატომ არის კარგი დრო ინვესტიციებისთვის.

უძრავი ქონების ბაზარზე ინვესტიციის განხორციელების მიზანშეწონილობას უამრავი ფაქტორი განსაზღვრავს, მათ შორის,-ერთ-ერთ მაკრო ეკონომიკურ ფაქტორად მიჩნეულია ინვესტიციის განხორციელების პერიოდი. გაზაფხული უკვე დიდი ხანია აღიარებულია უძრავი ქონების ბაზარზე ტრანზაქციების განხორციელების გამხსნელ სეზონად და გამონაკლისი არც საქართველოს ბაზარია. წინამდებარე ბლოგში ჩვენ მიმოვიხილავთ გაზაფხულზე საქართველოში უძრავი ქონების ყიდვის უპირატესობებს.


ფასების კლების სავარაუდო ტენდენცია

არსებული პროგნოზების მიხედვით, 2024 წლის გაზაფხულიდან თბილისში უძრავი ქონების ფასები დაახლოებით 15%-ით დაიკლებს.

ბოლო წლების განმავლობაში საქართველოში გეოპოლიტიკური მიზეზებიდან გამომდინარე, როგორც გასაქირავებელი, ისე გასაყიდი ბინების ფასები მიგრანტების დიდი რაოდენობის შედეგად მკვეთრად იყო გაზრდილი. მათი დიდი ნაწილი ქვეყანას უკვე ტოვებს და ,შესაბამისად, მოთხოვნის შემცირება ფასების კლებას აუცილებლად გამოიწვევს.

იმის გათვალისწინებით, რომ მიგრანტებს არა მხოლოდ იჯარით აქვთ აღებული ბინები, არამედ ნაყიდი აქვთ და თვითონვე აქირავებდნენ თანამოქალაქეებზე, ძალიან სწრაფად დაიწყებს ფასების კლება არამხოლოდ იჯარაზე, არამედ შესყიდვაზე.

გარდა ამისა, გაზაფხული არც ისე ხელსაყრელი დროა ოჯახების შიდა ტერიტორიული მობილობისთვის, რაც უძრავი ქონების ბაზარზე "მოთხოვნის ბუმის" წარმოშობის რისკებს ამცირებს. ოჯახებისთვის საცხოვრებლის ცვლილებისთვის ხელსაყრელი სეზონი,როგორც წესი ზაფხულია, ვინაიდან ასეთ დროს არ არსებობს სასწავლო პროცესისთვის ხელის შეშლის რისკები. ასევე, საცხოვრებლის შეცვლასთან დაკავშირებულმა სირთულეებმა შესაძლოა სამსახურეობრივი პასუხისმგებლობების ჯეროვნად შესრულების რისკებიც წარმოშვას. საქართველოს უძრავი ქონების ბაზარზე "მოთხოვნის ბუმს", როგორც წესი სამსახურეობრივი და სასწავლო მიგრაცია ქმნის. ეს ფაქტორები გაზაფხულის სეზონზე ნაკლებად აქტუალურია, რაც ნიშნავს იმას, რომ



ხელსაყრელი ამინდი ქონების შემოწმებისთვის

უძრავ ქონებაში ინვესტიციის განხორციელება ქონების გამოკვლევას საჭიროებს. გაზაფხულისთვის დამახასიათებელი ამინდი ხელსაყრელია ქონების საფუძვლიანი შემოწმებისთვის. გარკვეული ტიპის სახლების სრულყოფილი შემოწმება შესაძლოა გაართულოს უამინდობამ ან მაღალმა ტემპერატურამ, აღნიშნული საკითხი განსაკუთრების აქტუალურია კერძო სახლებთან მიმართებით. გაზაფხულზე სახლის მყიდველებს და ინვესტორებს შეუძლიათ უფრო კომფორტულად, ენვირომენტალური ფაქტორებიდან მომდინარე დაბრკოლებების გარეშე შეამოწმონ ქონება. ეს სეზონი იძლევა სახურავის, ლანდშაფტისა და სტრუქტურული ელემენტების ყოვლისმომცველი გამოკვლევის საშუალებას, რაც ინვესტორებს/პოტენციურ მყიდველებს მეტად ინფორმირებული გადაწყვეტილებებისა და მოლაპარაკებების ეფექტურად წარმოების საშუალებას აძლევს.


დაბალი იპოთეკური განაკვეთები

საფინანსო ინსტიტუტების მიერ შეთავაზებული პროდუქტები და სერვისები მჭიდრო კავშირშია უძრავი ქონების ბაზარზე მიმდინარე მოვლენებთან. უძრავ ქონებაში ინვესტიცია პოტენციურ მყიდველთა დიდი ნაწილისთვის დაკავშირებულია იპოთეკური სერვისებით სარგებლობასთან. ისტორიულად გაზაფხული შედარებით დაბალი იპოთეკური განაკვეთებით ხასიათდება. დაბალი საპროცენტო განაკვეთები ქმნის უფრო ხელსაყრელ საინვესტიციო კლიმატს და ხელს უწყობს როგორც გამოცდილი ინვესტორებს, ასევე პირველად მყიდველებს,მიიღონ ეფექტური გადაწყვეტილებები.