რჩევები სახლიდან ან დისტანციურად მუშაობისთვის
1179
2020-03-18 15:42:40
 1.  სამოსის შერჩევა 

შეიძლება თქვენთვის სამოსის შერჩევა იყოს მაცდური, რადგან მუშაობთ სახლიდან. აქედან გამომდინარე გადაწყვიტოთ, რომ მთელი დღე გაატაროთ სახლის ტანსაცმელში, მაგრამ ეს არ არის სწორი. ჩაიცვით დახვეწილად, ამით თქვენ ყოველთვის მზად ხართ გადახვიდეთ ბოლო წუთის ვიდეო ზარზე კოლეგასთან ან კლიენტთან.


2. მოიწყეთ კომფორტული გარემო 

კომფორტული გარემო აუცილებელი წინაპირობაა იმისა, რომ შეძლოთ სახლიდან მუშაობა. თუ რეგულარულად მოგიწევთ სახლიდან მუშაობა დარწმუნდით, რომ თქვენი სამუშაო ადგილი ამისთვის შესაფერისია. რაც გულისხმობს მონიტორის გამოყენებას ლეპტოპის ნაცვლად, დარწმუნდით რომ თვალისთვის (ხედვისთვის) კარგი მდგომარება გაქვთ შექმნილი, გამოიყენეთ კლავიატურა ეს მოგცემთ საშუალებას, რომ ხელები დაასვენოთ ბუნებრივად. მუშაობის პროცესში, გამოიყენეთ მაუსი რათა თქვენი მაჯა და მკლავი იყოს ჯანმრთელ მდგომარეობაში მუშაობის პროცესში. გამოიყენეთ კომფორტული სკამი და გააკონტროლეთ ჯდომის პოზა.


3. ყოველდღიურად განაახლეთ კალენდარი 

შენი უფროსის გაღიზიანების თავიდან ასაცილებლად დარწმუნდით, რომ თქვენი კალენდარი ყოველთვის განახლებული და ზუსტია. რამდენი ზარი განახორციელეთ დღის განმავლობაში, რამდენ ზარს უპასუხე და ასრულებ თუ არა სამუშაოს დისტანციურად ისე როგორც შენი სამუშაო ადგილიადან. კალენდარი დაეხმარება მენეჯმენტს თვალი ადევნოს და შეაფასოს შენი შესრულებლი სამუშაო.


4. შეუთავსეთ ერთმანეთს სამუშაო და დასვენების დრო 

ნუ შეეცდებით, რომ მიეჯაჭვოთ მაგიდას. როდესაც თქვენ არ იმყოფებით ოფისში და სამუშაოს ასრულებთ დისტანციურად მაგიდასთან მუდმივად ყოფნა შეიძლება გამოსავლად მოგეჩვენოთ, იმისათვის რომ სულ ხელმისაწვდომი იყოთ კლიენტებისა თუ კოლეგებისთვის. მაგრამ დისტანციურად მუშაობასთან ერთად გჭირდებათ შესვენება. ყოვედღიურად დაუთმეთ დრო საკუთარ თავს. გამოიყენეთ დროის გარკვეული მონაკვეთი სეირნობისთვის, ვარჯიშისთვის ან უბრალოდ დასვენებისთვის.


5. იყავით იზოლირებული სამუშაო საათებში 

სახლიდან მუშაობისას შეიძლება წარმოიქმნას სხვადახვა დაბრკოლებები. თუ თქვენ გყავთ სახლში მცირეწლოვანი ბავშვები ეცადეთ მოარიდოთ თქვენ სამუშაო სივრცეს, ასევე ოჯახის წევრები. თქვენი შინაური ცხოველები შესაძლოა ხელიშემშლელი ფაქტორი აღმოჩნდეს დისტანციური მუშაობის დროს, რის გამოც უმჯობესია ისინიც მოვარიდოთ სამუშაო კუთხეს. არის ისეთი შემთხვევები რომლებსაც თქვენ ვერ ხელყოფთ, მაგალითად მშენებლობის ხმაური, მეზობლის ხმაური ასეთ შემთხვევაში გირჩევთ გამოიყებოთ ყურსასმენები. ამ ყველაფრის გათვალისწინებით დისტანციურად მუშაობას შეფერხებების გარეშე შეძლებთ.



6. გადაანაწილეთ სამუშაო პრიორიტეტულად 

თქვენ მუშაობა მოგიწევთ ოფისის რიტმის გარეშე, რაც შეიძლება აისახოს თქვენი სამუშაოს შესრულებაზე. იმისთვის, რომ ასე არ მოხდეს, სამუშაოს გაუმკლავდეთ და საკუთარი ძალები სწორად გამოიყენოთ დაყავით სამუშაო პრიორიტეტების მიხედვით. დაწერეთ სამუშაოების ჩამონათვალი თქვენთვის პრიორიტეტული წესრიგისთვის - პირველ რიგში, რთულად შესასრულებელი  პროექტის მოგვარება და ასე შექმენით დღის განრიგი. ასევე დღის ბოლოს მიანიჭეთ შესაბამისი სტატუსი თქვენს მიერ ჩამოწერლ პუნქტებს.  რა თქმა უნდა ეს გააკეთეთ  ყოველი დღის დასარულს. ამით ზუსტად გეცოდინებათ რითი უნდა დაიწყოთ დილა და რისი გაკეთება შეძელით დღის ბოლოს.


7. დააწესე საზღვრები 

როცა შენი სამუშაო ადგილი ამავდროულად არის დასვენების ადგილი, რთულია დააწესო საზღვერები. შეიძლება იფიქრო, რომ მთლიანად და ეფექტურად ვერ უთმობ დროს სამუშაოს და ამავდროულად ვერც დასვენებას ახერხებ სრულყოფილად, რაც კომპანიისთვისაც და შენთვისაც ცუდია. მნიშვნელოვანია, რომ როდესაც მუშაობ მთლიანად დაუთმო შენი თავი მუშაობას და როცა დასრულების დრო მოვა დატოვო შენი კომპიუტერი და მართლა დაასრულე. სია რომელიც ხვალინდელი დღისთვის მოამზადე მოიცდის ხვალამდე. ასე ეფექტურად მოახერხებთ დროის განაწილებას ერთი სივრციდან მუშაობისთვის და დასვენებისთვის
სტატიის ავტორია ss.ge/jobs