შეხვდით გაზაფხულს მომზადებულები - განაახლეთ ბაღი საკუთარი ხელით

ყველას უხარია გაზაფხულის მოსვლა, სიცივე იკლებს და ბაღში გასვლა სასიამოვნო ხდება. გაზაფხულის მოსვლასთან დაკავშირებით გთავაზობთ რამდენიმე ორიგინალურ იდეას, თუ როგორ გაალამაზოთ საკუთარი სახლის ეზო. ქვემოთ მოცემული იდეების შესრულება იმდენად მარტივია, რომ საკუთარი ხელითაც კი შეგიძლიათ დაამზადოთ.

- ყვავილები კრამიტის ქოთანში

ეზოს გასალამაზებლად გამოიყენეთ კრამიტი, რომელსაც ჩამოკიდებთ და შექმნით ულამაზეს ყვავილების კომპოზიციას.კრამიტზე მოათავსეთ მიწა, შემდეგ ჩარგეთ ყვავილები და დაამაგრეთ სასურველ ადგილას .

- ყვავილები ხის მორში

თუ გსურთ ეზოს კრეატიული გაფორმება, შეგიძლიათ გამოიყენოთ ხის მორი. პირველ რიგში დაამუშავეთ ის, შექმენით სივრცე, სადაც ჩაყრით მიწას და ჩარგავთ თქვენთვის სასურველ ყვავილს. საბოლოოდ კი ულამაზეს დეკორაციას მიიღებთ.

- ყვავილები ბოთლში

კიდევ ერთი ორიგინალური იდეა-ყვავილები ბოთლში. აიღეთ ბლასმასის ბოთლი, გაჭერით ისე, რომ ყვავილებისთვის დაიტოვოთ ბოთლის ძირი და ზედა ნაწილი. კარგი იქნება თუ გასალამაზებლად მას საღებავით შეღებავთ. შემდეგ მოათავსეთ მიწა ბოთლში და ჩარგეთ სასურველი ყვავილი.

- ნახატი და ყვავილები

არ შეზღუდოთ ფანტაზია, შეგიძლიათ შექმნათ არაორდინალური, თემატური კომპოზიციებიც. ერთ-ერთ მათგანს გთავაზობთ ქვემოთ მოცემულ სურათზე.

- ყვავილი მანქანის საურავში

არ გადაყაროთ ძველი საბურავები, თქვენ ის კიდევ დაგჭირდებათ. როგორც სურათზე ხედავთ, შეგიძლიათ გამოიყენოთ მანქანის საბურავი, როგორც ორიგინალური ყვავილების ქოთანი.