5 რამ, რითაც ახალ სამსახურში შთაბეჭდილების მოხდენას შეძლებთ

ყველამ იცის, რომ პირველი შთაბეჭდილება ძალიან მნიშვნელოვანია, თუმცა ახალ სამსახურში პირველი შთაბეჭდილების მოხდენა გარკვეული პერიოდის განმავლობაში შეიძლება გაგრძელდეს. ეს დამოკიდებულია კომპანიის სიდიდეზე. დიდი ზომის კომპანიებში შედარებით მეტი დრო სჭირდება ყველა სტრუქტურული ერთეულისა და ყველა თანამშრომლის გაცნობას. ყოველ ახალ ადამიანთან შეხვედრა კი ყოველი ახალი პირველი შთაბეჭდილების მოხდენის შანსია. პატარა კომპანიაში ეს პროცესი შედარებით ხანმოკლეა, თუმცა ერთდროულად ექცევი ახალი თანამშრომლების „მიკროსკოპის ქვეშ“.

გაგიზიარებთ რჩევებს, რომელიც ახალ თანამშრომლებზე შთაბეჭდილების მოხდენაში დაგეხმარებათ.

1.    მოემზადეთ სათანადოდ

მანამ, სანამ ახალი სამსახურის პირველი სამუშაო დღე გექნებათ, გააკეთეთ პატარა მოკვლევა თქვენი მომავალი ორგანიზაციის საქმიანობის შესახებ, რას აკეთებენ, რა ღირებულებები აქვთ და ა.შ. ეცადეთ დაინახოთ კომპანია უფრო ფართო კონტექსტში. თანამედროვე ორგანიზაციები დროის იმ შუალედში, რომელიც თანამშრომლის აყვანასა და მის სამუშაო ადგილზე გამოცხადებას შორისაა, ახალი თანამშრომლისთვის გამოყოფენ საკონტაქტო პირს, რომელიც საქმიან პარტნიორობას უწევს კომპანიაში ახალმოსულს და ეხმარებიან, რომ კომპანიის რიტმს დაეწიონ.

სათანადო მომზადებით, შეძლებთ, რომ თანამშრომლებთან დაამყაროთ სწორი კომუნიკაცია, რაც დაგეხმარებათ უფრო მყარი კავშირების ჩამოყალიბებაში, ვიდრე საქმეში დაწევაა.

2.    ყურადღება გაამახვილეთ კომპანიის კულტურაზე

რა არის ის რწმენა-წარმოდგენები, რაც მართავს ადამიანებსი ქცევას და მოქმედებას? კოლექტიურად, ეს განსაზღვრავს ორგანიზაციის კულტურას. წინასწარ შეუძლებელია კონკრეტულ კულტურას მხარი დაუჭირო ან დაუპირისპირდე, სანამ მას უშუალოდ არ შეეხები. ადამიანებისთვის, ვინც ორგანიზაციულ კულტურას შერწყმულები არიან, ეს კულტურა ბუნებრივი ხდება და უჭირთ მისი ვერბალურად გადმოცემა.

ყურადღებიანი ადამიანები ორგანიზაციაში არსებული გარემოს შესახებ ინფორმაციას იღებენ არა იმით, თუ რას ყვებიან იქ დასაქმებული ადამიანები ან რა ღირებულებებზე საუბრობენ, არამედ იმით, თუ რას აკეთებენ რეალურად ისინი, როგორ ეპყრობიან მომხმარებლებს, რამდენად მაღალია თანამშრომლის შენარჩუნების მაჩვენებელი კომპანიაში, არის თუ არა პროცედურები შესრულებული დროულად და ხარისხიანად და თუ არა - რატომ?

3.    შეინარჩუნეთ სიმშვიდე

შეტყობინება იმის შესახებ, რომ თქვენ ახალ სამსახურში აგიყვანეს, ძალიან ემოციური და სასიხარულოა. გახსოვდეთ, რომ ახალი სამსახურის დაწყებისგან გამოწვეულ სიხარულსა და მოჭარბებულ ემოციებს პირველ დღეს მხოლოდ თქვენ განიცდით, ხოლო სხვა დანარჩენი თანამშრომლებისთვის, მორიგი ჩვეულებრივი სამუშაო დღეა. შეინარჩუნეთ სიმშვიდე და მიმართეთ თქვენი ენერგია ოფისის გარემოს შესწავლისკენ. მას შემდეგ, რაც უკვე ყველა გაგიცნობთ, შეგიძლიათ თქვენთვის კომფორტულად მოირგოთ გარემო და სიტუაცია, მანამდე კი  ნუ იქნებით სუპერ მშფოთვარე თანამშრომელი, რომლისთვისაც ყველას თავის არიდება სურს. ღრმად ჩაისუნთქეთ და როგორც კი დამშვიდდებით, სამუშაოს ოპტიმისტური განწყობით მიუდექით.

4.    განიხილეთ ახალი სამსახური, როგორც პერსონალური ბრენდინგის სავარჯიშო

არ დაუშვათ შეცდომები, ახალი თანამშრომლები დაიწყებენ თქვენი ქცევების განსჯას და დააკვირდებიან, თუ როგორ წარდგებით სამუშაო ადგილზე. გახსოვდეთ, რომ თქვენი სამუშაო თქვენი ბრენდია და დაკავშირებულია ისეთ დეტალებთან, როგორიცაა თქვენი ზოგადი ქცევები, შეხვედრებზე დასწრება და ჩაცმის სტილიც კი. ასევე, მნიშვნელოვანი ნაწილია, თუ როგორი დამოკიდებულება გაქვთ თქვენი კოლეგების მიმართ. თავს იკავებთ უკუკავშირის გაცემისგან, რადგან არ გრძნობთ თავს კომფორტულად, თუკი წამახალისებელი რაიმეს თქმა არ გიწევთ? თუ პირიქით, ძალიან ბევრს საუბრობთ, რაც მიგაჩნიათ, რომ კავშირის უკეთ დამყარებაში გეხმარებათ? ყველა ეს დეტალი კომბინირებულად, წარმოაჩენს თუ როგორ აღგიქვამენ თანამშრომლები.

გირჩევთ იმუშაოთ საკუთარ თავზე, რომ გახდეთ მარტივად თანამოსაუბრეები, ხშირად გამოხატოთ ინტერესი სხვადასხვა საკითხების მიმართ თუმცა საჭიროების შემთხვევაში, შეინარჩუნეთ სიმშვიდე და გაწონასწორებულად მართეთ თქვენი სამუშაო პროცესი.

5.    გამოიყენეთ 70/30-ზე წესი

გსმენიათ  70/30-ზე წესის შესახებ? ის გულისხმობს, რომ თქვენი დროის 70% დაუთმოთ სხვებისთვის შეკითხვების დასმას და იმის მოძიებას, თუ როგორ კეთდება ესა თუ ის საქმე, ხოლო დანარჩენი 30% დაუთმეთ საკუთარი გამოცდილებისა და ხედვების პრეზენტირებას სხვების წინაშე, რისი დახმარებითაც ისინი შეძლებენ უკეთ გაგიცნონ და წარმოდგენა შეექმნათ თქვენზე. თუკი დიალოგის მონოპოლიზებას შეეცდებით და ძალიან ბევრს ისაუბრებთ საკუთარ თავზე, ადამიანები ამას აღიქვამენ აროგანტულობად ან თავის წარმოჩენის ზედმეტ ძალისხმევად ჩაგითვლიან. ამის მაგივრად დასვით კრიტიკული (თუმცა არა აგრესიული) შეკითხვები ორგანიზაციის შესახებ. მსგავსი კითხვა-პასუხი და დისკუსიები იქნება ღირებული როგორც თქვენთვის, როგორც ახალი თანამშრომლისთვის, ასევე დანარჩენი თანამშრომლებისთვისაც.

დაბოლოს, ახალი სამსახურის დაწყება დიდი რისკია, არასდროს გეცოდინებათ სამუშაოს პირველ დღეს წინასწარ, თუ როგორ მოერგებით ახალ გარემოს. თუმცა, მეორე მხრივ, გაქვთ შანსი მოახდინოთ ურყევი პირველი შთაბეჭდილება. გამოიყენეთ რჩევები და შეინარჩუნეთ ბალანსი, არ დაკარგოთ საკუთარი თავი, თუმცა აუწყვეთ ფეხი კომპანიას; მოეშვით, მაგრამ დასვით სწორი კითხვები.