ხმისა და თბოიზოლაციის საშუალებები შენი სახლისთვის

მშენებლობებით, ავტომობილებითა და ხალხით გადატვირთულ გარემოში, სადაც ხმაური დღითიდღე, კიდევ და კიდევ იმატებს, რთულია იპოვო მისგან, საჭირო დონეზე დაცული ადგილი ქალაქში საცხოვრებლად. მეზობლები, ბავშვები, რემონტი და სხვადასხვა სახის ხმაური, მათგან დაცვა, უკვე ჩვენი ყოველდღიური საზრუნავია. დროა, ვიფიქროთ სახლის ხმის იზოლაციაზე. ხმის იზოლაცია ამცირებს როგორც შიდა, ასევე გარე ხმაურს და ამასთან უზრუნველყოფს, რომ თქვენი საცხოვრებელი თუ სამუშაო სივრცე, უფრო მშვიდი და მყუდრო გახადოს.

რემონტის დაწყების წინ, სხვა მრავალ დეტალთან ერთად, აუცილებელია ვიზრუნოთ სახლის დათბუნებაზე, რადგან სახლის ხმის და თბოიზოლაცია, მნიშვნელოვნად აუმჯობესებს ჩვენი ცხოვრების ხარისხს. არასასურველი ხმაურის შემცირება ერთ-ერთი საუკეთესო საშუალებაა, რომელიც გვეხმარება სრულად დასვენებაში და კომფორტის შენარჩუნებაში. გარე ხმაურის გარდა, მნიშვნელოვანია შიდა ხმაურის შემცირებაც, რომელიც ოთახიდან-ოთახში, შეიძლება გამოწვეული იყოს, მაგალითად ოჯახის წევრების ხმაურით, ან პირიქით, თქვენი საყვარელი მატჩის ყურების დროს, არ შეაწუხოთ ბავშვები, რომლებსაც თავიანთ ოთახებში სძინავთ.

გარდა კომფორტისა, ხმაურის შემცირება ასევე კარგია ჯანმრთელობისთვის და პროდუქტიულობისთვის. მრავალი კვლევის შედეგად დადასტურებულია, რომ ისეთი დაავადება, როგორიცაა მაღალი არტერიული წნევა, ამასთან გულის დაავადების ზოგიერთი ფორმაც კი, დაკავშირებულია ხმაურის ხანგრძლივ ზემოქმედებასთან.

მასალების შერჩევა

თქვენს ახალ საცხოვრებელში, თუ არსებულ სახლში, რემონტის დაწყებამდე, აუცილებლად გაითვალისწინე ბიუჯეტი და განსაზღვრე თუ რა სახის ხმაურისგან გსურს დაცვა. აქ არ იგულისხმება მხოლოდ გარე ხმაური, არამედ თქვენ მიერ გამოწვეული, შიდა ხმაურიც. ეს საშუალებას მოგცემთ სწორად შეარჩიოთ თქვენ საჭიროებებზე მორგებული საიზოლაციო მასალები. მასალის შერჩევისას, მხედველობაშია მისაღები კედლის ტიპი. ქვაბამბის რულონები და ფილები, იდეალურია ხმის იზოლაციისთვის, მარტივია სამონტაჟოა და ამასთან, ახდენს სახლის როგორც ხმის, ასევე თბოიზოლაციასაც. 

რულონები vs ფილები

თუ ხმაური, რომლის შემცირებასაც ცდილობთ, არ არის ძალიან ხმამაღალი, აკუსტიკური რულონები შესაძლოა საუკეთესო მასალა იყოს სამუშაოსთვის. ის კარგია დაბალი დონის ხმაურის დასახშობად. ფილებისაგან განსხვავებით, ძალიან მარტივია მისი დამუშავება და მონტაჟი. ეს იდეალური ვარიანტია, თუ მის ინსტალაციას საკუთარი ძალებით აპირებ.

რაც შეეხება ფილებს, ისინი განკუთვნილია შედარებით ხმამაღლა ხმაურის დასახშობად, თუმცა რულონებისაგან განსხვავებით, ის არის უფრო მკვრივი. მისი დამუშავება და მონტაჟი შედარებით რთულია, რისთვისაც სპეციალისტის დაქირავება დაგჭირდებათ.

პენოპლასტი და ქაფი

ეს არის მასალა, რომელიც ქაფიანი პოლიმერების კლასს განეკუთვნება. ის ძალიან ეფექტურია, მარტივია ინსტალაცია, მსუბუქია და აქვს ხმაურის კარგი იზოლაციის უნარი. მისი ყველაზე მთავარი უპირატესობა, კი ხელმისაწვდომი ფასია. გარდა უპირატესობებისა, ქაფს აქვს უარყოფითი მხარეებიც, მაგალითად: აქვს ექსპლუატაციის დაბალი ვადა, 10-დან 20 წლამდე, არასტაბილურია სიცივისა და ტენიანობის ერთდროულად ზემოქმედების დროს და საკმარისად არ ატარებს ჰაერს და ორთქლს. ამიტომ, მისი გამოყენება არ არის რეკომენდირებული ხის სახლებისთვის, რადგან ხის მასალას, მეტი გამძლეობისთვის, აუცილებლად სჭირდება ჰაერი.

პოლიურეთანის ქაფი

შენობების გარე თბოიზოლაციის ყველაზე თანამედროვე მასალა პოლიურეთანის ქაფია. ის კარგად ინარჩუნებს სითბოს და შეუდარებელია ჰიდროიზოლაციისთვის. გარდა ამისა, აქვს თერმული იზოლაციისა, ასევე ტენიანობის წინააღმდეგობის მაღალი მაჩვენებლები და გამოირჩევა ხანგრძლივი სიცოცხლისუნარიანობით. მისი მონტაჟისთვის საჭიროა სპეციალური მოწყობილობა და ჩაცმულობა, ამიტომ უმჯობესია მიმართოთ სპეციალისტს. შესხურების შედეგად, ხსნარი კედლის ყველა ბზარს ავსებს, რაც დამატებითი უპირატესობაა მისი გამოყენებისთვის.

ხმის და თბოიზოლაციას, ზოგიერთ სახელმწიფოებში განსაკუთრებულ მნიშვნელობას ანიჭებენ.  მაგალითად, დიდ ბრიტანეთში 2010 წელს მიღებულ იქნა სამშენებლო წესები, რომლის "E" ნაწილი საცხოვრებელი შენობების აკუსტიკურ მდგრადობას ეხება. აღნიშნული დოკუმენტი განახლდა 2015 წელს და ძირითადი ცვლილებები სწორედ ხმის და თბოიზოლაციას ეხებოდა. ცვლილების შედეგად სავალდებულო გახდა, როგორც საცხოვრებლებს შორის არსებული, გამყოფი კედლების და იატაკის აკუსტიკური იზოლაცია, ასევე ერთ საცხოვრებელში, ოთახების გამყოფი კედლების აკუსტიკური იზოლაციაც კი.