როგორ დავზოგოთ გათბობის ხარჯი? რჩევები პროფესიონალისგან

გათბობის ყველაზე თანამედროვე და გავრცელებული საშუალება ცენტრალური გათბობის სისტემაა. იმისათვის, რომ სწორად შეარჩიოთ გათბობის სისტემა, სწორად დააპროექტოთ, ხანგრძლივი პერიოდის განმავლობაში იმუშაოს და ამავდროულად დავზოგოთ კომუნალური ხარჯი, ბევრი დეტალი უნდა გაითვალისწინოთ. მათ, ვინც გადაწყვიტა სახლში ცენტრალური გათბობის მონტაჟი, ან სარგებლობს გათბობის ამ სისტემით ცენტრალური გათბობის სისტემების დამპროექტებელი ნიკოლოზ გაზდელიანი საინტერესო რჩევებს უზიარებს.

რა აუცილებელი დეტალები უნდა გაითვალისწინოს, რომ სწორად მოხდეს გათბობის მონტაჟი?

მონტაჟის დროს, უნდა გავითვალისწინოთ, როგორი ტიპის ბინაა. თუ ბინა გარემონტებულია და მილების გაყვანა ხდება კედლებზე, გარედან, ამ შემთხვევაში არ არის აუცილებელი მაღალი ხარისხის მილების დაყენება, რადგან, თუ გასკდება ის მილი, რომელიც გარეთ არის დაყენებული, მარტივად გადავაბამთ, აღვადგენთ და ამით დასრულდება. არ დაგვჭირდება ათხრა, იატაკის აყრა და ა.შ. ამ დროს, ეკონომიის მიზნით საშუალო ხარისხის მილის გამოყენებაც შეიძლება.

რაც უფრო დიდია ქვაბი, ეს ნიშნავს იმას, რომ უფრო კარგია გათბობისთვის?

არა, ეს მცდარი მოსაზრებაა  არსებობს არასწორი მოსაზრება რომ ერთი სექცია ყოფნის ერთ კვადრატს, ან 10 სმ რადიატორი ყოფნის ერთ კვადრატს, ესეც სიცრუეა  სინამდვილეში, განიერი, თბილი კედელი სადაც გვაქვს, იქ, რა თქმა უნდა, უფრო ნაკლები სექციების დაყენებაა საჭირო. როდესაც ვიტრაჟია და სახლს გვერდზე მცხოვრები არ ჰყავს, არის კუთხის ბინა, რა თქმა უნდა, იქ უფრო მეტი თბოდანაკარგია და უფრო მეტი სექცია სჭირდება

როდის უნდა დავკეტოთ რადიატორი

- რადიატორი იმ შემთხვევაში შეიძლება დავკეტოთ, როდესაც ოთახის კარები იქნება გამოკეტილი. თუ იმ ოთახის კარები გამოკეტილია, რომელ ოთახშიც რადიატორს ვკეტავთ, რადიატორის გათიშვა არ არის შეცდომა. ზოგიერთს ჰგონია, რომ თუ ერთი რადიატორია ჩართული, ცოტას დაწვავს, თუმცა პირიქით ხდება. სწორ შემთხვევაში 24 საათის განმავლობაში, რადიატორი უნდა მუშაობდეს 12 საათი. პირობითად, თუ იმუშავა ერთი წუთი, უნდა დაისვენოს ერთი წუთი. თუ ეს რეჟიმები დარღვეულია, მაშინ ხდება ხარჯის ზრდა.

როგორ დავზოგოთ კომუნალური ხარჯი?

განახორციელეთ სივრცის დათბუნება.

        თუ არსებობს ამის საშუალება, ეფექტურია გარე ფასადებზე სპეციალური თბო-საიზოლაციო მასალების გამოყენება. ასევე რემონტის პერიოდში აუცილებელია ბინის კედლები და ჭერი მოპირკეთდეს სპეციალური თბო-საიზოლაციო მასალებით. და ბოლოს, აივნისა და შემოსასვლელი კარის დათბუნება ერთ-ერთი უმთავრესი პირობაა სახლში სითბოს შენარჩუნებისთვის. სითბოს 40 პროცენტი ფანჯრებიდან გადის. ამიტომაც გახსოვდეთ, რომ მაქსიმალური ეფექტურობისთვის თანამედროვე მინაპაკეტების დაყენებაა რეკომენდირებული.

გაადააკარით მინებს ეკომეგობრული ფირფიტა. ის შუქის 80 პროცენტს ატარებს, შიგნიდან სახლის სითბოს აკავებს,  ხოლო გარედან სიცივეს. ზაფხულში ის ცხელი ტემპერატურის შიგნით შემოღწევას აფერხებს.

რეგულარულად ჩაატარეთ რადიატორების წმენდა, ვინაიდან 1-2 მილიმეტრიანი ნადები   თბოგადაცემის ეფექტურობას 10-15 პროცენტით ამცირებს.

 დაკიდეთ ისეთი ფარდები, რომლებიც რადიატორებს არ დაფარავს  და სითბოს ოთახში ცირკულირების საშუალებას მისცემს

 არ გათიშოთ გათბობა მაშინ როცა სახლში არ ხართ რადგან  გათბობის ხელახალი ჩართვა იმაზე მეტ ენერგიას გამოიყენებს  ვიდრე მისი დატოვება ჩართულ მდგომარეობასი.