რომელი სართულია უკეთესი ბინის ყიდვისას

ბინის შეძენისას, თითოეულ ადამიანს, თავისი შეხედულებები აქვს სართულთან დაკავშირებით. ზოგს ქვედა სართულები არ უყვარს, განსაკუთრებით კი პირველივე სართული. ძველ თბილისში სეირნობისას, თუნდაც ბავშვობაში მაინც, ალბათ თითოეულ ჩვენგანს შეუხედავს ცნობისმოყვარე თვალებით პირველ სართულზე განთავსებულ ბინებში, ისტორიულ უბნებში პირველი სართული ხშირად მიწის პირს, ან ზოგჯერ ნახევარსარდაფსაც გულისხმობს. მაგრამ, რა ხდება ახალ აშენებულ კორპუსებში? აქ პირველი სართული არც ისე დაბლაა განთავსებული. თუმცა, ზოგს მაინც მაღალი სართული ურჩევნია, განსაკუთრებით თბილისის ცენტრში მაღალი სართულებიდან ულამაზესი ხედი იშლება. შესანიშნავი მაგალითია Orion Vake, სადაც ხედი პირდაპირ ვაკის პარკზე და ლოკომოტივის სტადიონზე გექნებათ, ასე შეგიძლიათ არამხოლოდ სიმწვანით და ვაკის პარკის მშვენიერებით დატკბეთ, არამედ თქვენივე სახლის ფანჯრიდან საფეხბურთო მატჩებსაც უყუროთ.

ქვედა სართულები

ახალ შენობებში პროექტი უმეტესად ოფისების ან მაღაზიების განთავსებას ითვალისწინებს პირველ სართულზე. ხოლო, ბინები მათ ზემოთ არის და არა სარდაფის თავზე, თუმცა საცხოვრებელი ფორმატით ისინი მაინც პირველ სართულად განიხილება. ქვედა დონის ბინებს, უფრო ხშირად, ოჯახები მცირეწლოვანი ბავშვებით, მოხუცები და შშმ პირები ირჩევენ. მათთვის მნიშვნელოვანია, რომ სახლიდან გასვლისას ლიფტის მუშაობაზე არ იყვნენ დამოკიდებული. მათ, ვისაც სახანძრო უსაფრთხოების საკითხები აწუხებს, საცხოვრებელი სახლი არაუმეტეს მესამე სართულზე უნდა იყიდონ. ხანძრის და ძლიერი კვამლის შემთხვევაში ქუჩაში ევაკუაცია უფრო ადვილი იქნება.

მთავარი ნაკლოვანებები - ქუჩიდან შემოსული ხმაური. ასევე, აუცილებელია ყურადღება მიაქციოთ უახლოეს ინფრასტრუქტურას: ახლომდებარე სათამაშო მოედნებმა და საზოგადოებრივმა სივრცეებმა შეიძლება გარკვეული დისკომფორტი შექმნან. ქუჩიდან შემოსული ხმების გარდა, პირველი სართულების მცხოვრებლები, შესაძლოა სხვა ხმებმაც შეაწუხონ: ავტომობილების გადაადგილების, ლიფტის კარების გაღება და დახურვა. ქვედა სართულების ბინების მფლობელებს ხშირად დარაბების დამაგრება უწევთ, რომლებიც ქუჩიდან ხმაურის შეღწევას ხელს უშლიან. ხშირად, პირველ სართულზე ბინები აივნებით არ არის აღჭურვილი. ასევე, ქვედა სართულებზე ბუნებრივი შუქი კარგად ვერ აღწევს, კერძოდ, თუ ფანჯრები ეზოს დაჩრდილულ მხარეს გადაჰყურებს.

შუა სართულები

ბინები ყველაზე მოთხოვნადი მე-3-7 სართულებზეა. ისინი მოთხოვნადია როგორც ახალ შენობებში, ასევე მეორად ბაზარზე. ძირითადი უპირატესობები:

• ქუჩიდან ნაკლები ხმაური აღწევს;
• აქ ჰაერი უფრო სუფთაა, ვიდრე ქვედა სართულებზე.
• 3-7 სართულებზე განთავსებული ბინები გასაქირავებლადაც შესანიშნავი ვარიანტია. ეს ქონება დიდი მოთხოვნით სარგებლობს მდგმურებს შორის.

მინუსებიდან შეგვიძლია ლიფტზე დამოკიდებულება გამოვყოთ - საშუალო ფიზიკური მომზადების ჯანმრთელ ადამიანს ბინაში ლიფტის გარეშე მოხვედრა არ გაუჭირდება, მაგრამ მძიმე ჩანთებით ან ბავშვის ეტლით სირთულეები წარმოიქმნება.

ზედა სართულებზე ბინების უპირატესობა

ფანჯრებიდან სასიამოვნო ხედი იშლება, განსაკუთრებით იმ შემთხვევაში, თუ ახალი შენობა ქალაქის პრესტიჟულ ნაწილში ან რეკრეაციულ ზონასთან ახლოს მდებარეობს, რომ აღარაფერი ვთქვათ, ბინებზე არა თბილისში, არამედ ზღვასთან ახლოს, მაგალითად გონიოში. შესანიშნავი არჩევანი იქნება Elite Family Residence. ის წარმოადგენს ელიტურ ბინებს უნიკალური ინფრასტრუქტურით და ეკოლოგიურად სუფთა მდებარეობით. ასევე, დიდი უპირატესობაა მოსახერხებელი ლოჯისტიკა. ამ უნიკალურ ობიექტში მხოლოდ 24 ბინაა, მათ შორის დუპლექსი პენტჰაუზი. საცურაო აუზები ზღვის წყლით და სლაიდით, მათ შორის საბავშვო აუზით. ბავშვთა კლუბი, საბაგირო, პარკი და საცოცი კედელი. წვდომა SPA სერვისებზე, ფიტნეს ცენტრზე, გამაჯანსაღებელ პროცედურებზე, რესტორანზე, საერთო სამუშაო სივრცეზე და კონსიერჟის სერვისზე.

ნებისმიერ ქალაქში თუ სხვა დასახლებულ პუნქტში მაღალ სართულზე უკეთესი ბუნებრივი განათებაა. ხმაურის მინიმალური დონე - სახლის ქვევით მოედნებიდან ხმები ზედა სართულებზე თითქმის ვერ აღწევს.

უარყოფითი მხარეები: ლიფტზე დამოკიდებულება. საფრთხე ხანძრის დროს - რადგან ასაწევი ხანძარსაწინააღმდეგო კიბის სიგრძე შეზღუდულია, ამრიგად ხანძრის შემთხვევაში ზედა სართულებს პოტენციური საფრთხე ემუქრება.
ჰაერში მავნე ნივთიერებები - ეკოლოგიურად დაბინძურებულ ქალაქებში მავნე ნივთიერებები 8-16 სართულის დონეზე კონცენტრირებულია.