გაერთიანებული სამზარეულო და მისაღები ოთახი თუ ცალ-ცალკე

სამზარეულოს და მისაღები ოთახის გაერთიანება, შეიძლება რამდენიმე მიზეზით იყოს მიზანშეწონილი. უპირველესად, ეს ახლა უფრო მოდურია და თუ ტრენდებს მისდევთ, შესაძლოა სახლი ასე უფრო თანამედროვე გამოჩნდეს. ასევე, თუ თქვენს მისაღებ ოთახში არ შემოდის საკმარისი დღის შუქი, განათების პრობლემას ამით გადაჭრით, რამდენადაც სამზარეულოს ყოველთვის აქვს ფანჯრები. კიდევ ერთი მიზეზი, შეიძლება სივრცის მომატება იყოს, ესეც მნიშვნელოვანია. შესაძლოა პირველი მიზეზი საკმარისად მყარ არგუმენტად არ მოგეჩვენოთ, მაგრამ ინტერიერის მოდის ჟურნალებში, ხშირად შეხვდებით ასეთ განლაგებას. თუმცა, მოდურობის გამო, არავითარ შემთხვევაში, არ ღირს კომფორტზე უარის თქმა, თუ ასეთი განლაგება სიმყუდროვეს დაგირღვევთ.

რომელი გამოსავალიც უნდა აირჩიოთ, მაშინაც კი, თუ ცალკე სამზარეულოს მტკიცე მხარდამჭერი ხართ, ზოგჯერ შეიძლება არჩევანი არ გქონდეთ. ეს განსაკუთრებით ეხება პატარა სტუდიოებსა და პატარა აპარტამენტებს, სადაც დეველოპერმა მხოლოდ მისაღები ოთახი სამზარეულოთი უზრუნველყო. შეგიძლიათ სხვადასხვა ხრიკები სცადოთ სამზარეულოს არეალის მოწყობასთან და მოპირკეთებასთან დაკავშირებით, მაგრამ ეს ძალიან ოსტატურად უნდა გაკეთდეს. წინააღმდეგ შემთხვევაში ეფექტი შეიძლება კონტრპროდუქტიული იყოს და გარდა ამისა, თქვენ დააპატარავებთ ისედაც მცირე სივრცეს, რაც მას არაფუნქციურს გახდის.

ეცადეთ ოთახი ისე გააფორმოთ, რომ მან არ დაკარგოს ძვირფასი სანტიმეტრები, არამედ შეიძინოს ფუნქციონალურობა და გააადვილოს ყოველდღიურობა. შესაძლოა დროთა განმავლობაში აღმოაჩინოთ, რომ მისაღები ოთახი სამზარეულოსთან ერთად კარგი გამოსავალია და მოგეწონოთ კიდეც.

პატარა ბინებში, უპირველეს ყოვლისა, ფოკუსირდით ფუნქციონალურობაზე, გამოყენების სიმარტივეზე და იზრუნეთ სამზარეულოს ყველაზე საჭირო აღჭურვილობაზე.

რა შემთხვევაშია აქტუალური სამზარეულოსა და მისაღები ოთახის გაერთიანება


• ასეთი განლაგება მიზანშეწონილია, პირველ რიგში, პატარა ბინებში, სადაც ორი პატარა ოთახის კომბინაცია სივრცეს გააფართოებს და ოჯახს ერთ დიდ ოთახში შეკრების შესაძლებლობას მისცემს;


• მეორე, ეს ვარიანტი უფრო მიმზიდველი იქნება იმ ადამიანებისთვის, რომლებიც ყოველდღიურად არ ამზადებენ საჭმელს. რამდენადაც ასეთ დროს სამზარეულო ხშირად არეულია და მომზადებისას საჭმლის სუნი იგრძნობა სახლში, რომელიც არ არის სასურველი მისაღებ ოთახში გავიდეს. რა თქმა უნდა, კარგი გამწოვი სისტემის არსებობა გაამარტივებს სიტუაციას, მაგრამ ნაკლებად სავარაუდოა, რომ სუნის სრულად გაქრობა შეძლოთ;


• მესამე, ეს ვარიანტი მისაღები იქნება, ასევე მათთვის, ვისაც დაკავებული გრაფიკი აქვს და ცხოვრების ევროპულ წესს მისდევს. დასავლეთ ევროპასა და ამერიკაში, როგორც წესი, ასეთი განლაგებით არის ბინები წარმოდგენილი;


• ამ განლაგების პირობებში სტუმრების შეკრება შეგიძლიათ ისე, რომ თან სამზარეულოში იტრიალოთ. ასევე, ბავშვებს შეგიძლიათ ისე ადევნოთ თვალყური, რომ კერძების მომზადებაში არ შეგეშალოთ ხელი.

კომბინირებული მისაღების და სამზარეულოს უარყოფითი მხარეები



• როგორც უკვე აღვნიშნეთ, ცალკე სამზარეულოსგან განსხვავებით, აქ საჭმლის სუნი მთელ სახლში გავრცელება. თუმცაა მაღალხარისხიანო ვენტილაციის სისტემა მდგომარეობას შეამსუბუქებს;


• საჭირო იქნება სამზარეულოს სივრცეში სრულყოფილი წესრიგის შენარჩუნება, წინააღმდეგ შემთხვევაში შეუძლებელი იქნება მისაღები ოთახში მეგობრების მიღება და სამზარეულოს კარს მიღმა არეულობის დამალვა.


• ასევე, საჭმლის მომზადების დროს ელექტრონული მოწყობილობების, ბლენდერის, ჩოფერის, მიქსერის თუ სხვა ნივთების გამოყენებისას წარმოიქმნება ხმაური, რაც სტუმრებს არ მისცემს მისაღებ ოთახში მშვიდად საუბრის შესაძლებლობას;


• თუ არ გაქვთ სტუმრებისთვის გამოყოფილი ცალკე საძინებელი, მაშინ გაგიჭირდებათ სტუმრების დატოვება ღამის გასათევად, განსაკუთრებით მოუხერხებელი იქნება დილით;


• სამზარეულო-მისაღები ოთახის კომბინირებული სივრცე ნიშნავს რომ ბავშვებს მარტივად ექნებათ წვდომა ღუმელთან თუ სხვა ელექტროტექნიკასთან და სახიფათო აღჭურვილობასთან. ასეთ შემთხვევაში დამატებით დაგჭირდებათ გამოიყენოთ სპეციალური საკეტები რათა ბავშვები დაიცვათ.

ჩვენ შევაჯერეთ გართიანებული და იზოლორებული სამზარეულო-მისაღები ოთახის შესაძლებლობები. რასაკვირველია, უპირატესობები და უარყოფითი მხარეები ორივეს აქვს და მხოლოდ თქვენი გადასაწყვეტია თქვენი ინდივიდუალური ცხოვრების სტილიდან და ბინის მოცემულობიდან გამომდინარე რომელი ვარიანტი იქნება უფრო მოსახერხებელი.