რა ხდება უძრავი ქონების ბაზარზე – საბურთალოსა და ვაკეში გაყიდვები შემცირდა, ხოლო გარეუბნებში გაიზარდა

უბნების მიხედვით გაყიდვების დინამიკა 2024 წლის ივნისში შემდეგნაირად გამოიყურება:

• დიდუბე: +28.0%

• დიდი დიღომი: +25.2%

• სამგორი: +23.6%

საინტერესოა, რომ ტრადიციულად პოპულარულ უბნებში გაყიდვები შემცირდა:

• საბურთალო: -21.6%

• ვაკე: -27.1%

ფასების მხრივ, Galt & Taggart-ის ანალიზი აჩვენებს, რომ 2024 წლის ივნისში, წინა წლის ივნისთან შედარებით, ყველაზე მეტად პირველად ბაზარზე გაიზარდა ფასები, ხოლო წლიურმა ზრდამ 28% შეადგინა. უბნების მიხედვით, ფასების ყველაზე დიდი ზრდა დაფიქსირდა:

• დიდუბე: +41.0%

• ნაძალადევი: +31.8%
  
  
  

ბათუმში საცხოვრებელი ბინების გაყიდვები 5%-ით გაიზარდა

ბათუმის უძრავი ქონების ბაზარზე განსხვავებული დინამიკა შეინიშნება. Colliers Georgia-ს მიერ გამოქვეყნებული მიმოხილვის მიხედვით, 2024 წლის ივლისში ბათუმში საცხოვრებელი ბინების გაყიდვები 5%-ით გაიზარდა და ჯამში 1,247 ბინა გაიყიდა. ბაზრის ზომა კი 16%-ით გაიზარდა და 68 მილიონი აშშ დოლარი შეადგინა.

ბათუმში ახალაშენებული ბინების საშუალო შეწონილი ფასი 6%-ით გაიზარდა და კვადრატულ მეტრზე 1,162 აშშ დოლარი შეადგინა. საინტერესოა, რომ ძველი ბინების შემთხვევაში ეს მაჩვენებელი 7%-ით შემცირდა და კვადრატულ მეტრზე 951 აშშ დოლარი გახდა.

მშენებლობის სექტორი – ეკონომიკის მამოძრავებელი ძალა

სამშენებლო და სარემონტო მასალების სექტორის შემოსავალი 5.3 მილიარდ დოლარს მიაღწია, რაც 2018-2023 წლებთან შედარებით საშუალოდ 12%-იან ზრდას წარმოადგენს.

ექსპერტები ვარაუდობენ, რომ სამშენებლო და სარემონტო მასალებზე მზარდი მოთხოვნა მომავალშიც შენარჩუნდება, რაც განპირობებულია ამჟამიმნდელი მთავრობის მაღალი ინფრასტრუქტურული დანახარჯებით, რეკორდული რაოდენობის გაცემული სამშენებლო ნებართვებითა და ასევე ნაწილობრივ, ახალაშენებული ბინების მაღალი გაყიდვებითაც. 

საქართველოს უძრავი ქონების ბაზარი 2024 წელს ახალ ფაზაში შედის, სადაც ზრდა ზომიერია, მაგრამ სტაბილური. ბაზრის მომავალი განვითარება დამოკიდებული იქნება როგორც ადგილობრივ, ისე საერთაშორისო ეკონომიკურ ფაქტორებზე.

იმისთვის რომ მუდმივად გქონდეთ ზუსტი ინფორმაცია ფასების დინამიკის შესახებ, იცოდეთ თქვენთვის საინტერესო უბანში, როგორ იცვლება უძრავი ქონების ღირებულება, შეგიძლიათ SS.GE-ზე პრემიუმ სერვისით ისარგებლოთ, რომელიც ბევრ საჭირო ფუნქციონალთან ერთად, ფასების ანალიტიკასაც მოიცავს,