რა ღირს უძრავი ქონება საქართველოსა და უცხოეთში

SS.ge-ის მონაცემების მიხედვით, თებერვალში თბილისში გასაყიდი ბინების 1მ²-ის საშუალო ფასი 1700,62$-ით განისაზღვრა. აღსანიშნავია, რომ ბოლო 4 თვის განმავლობაში გასაყიდ უძრავ ქონებაზე ფასი ტრადიციულად მზარდი იყო, 2024 წლის თებერვალთან შედარებით კი გასაყიდი ბინების ფასი დაახლოებით 5,5%-ით არის გაზრდილი. გასაყიდი ბინების 1მ²-ის ფასი თბილისის ცენტრალურ უბნებში შედარებით მაღალია. მაგალითად, მთაწმინდაზე 1მ² 2074$ ღირს, ვაკეში 1მ²-ის ფასი 2534$-ია, ხოლო საბურთალოზე — 1999$.

რაც შეეხება გაქირავების ფასებს, თებერვლის მონაცემებით, თბილისში ბინის ქირაობა საშუალოდ 365$ დაგიჯდებათ, ბოლო 4 თვის განმავლობაში კი ფასებში კლების ტენდენცია შეინიშნება. ცენტრალურ უბნებში ბინების თვიური საფასური საშუალო ფასთან შედარებით მაღალია: საბურთალოზე ბინის ქირაობის საშუალო ფასი დღეს დაახლოებით 430$-ია, ვაკეში 478$, ხოლო მთაწმინდაზე ბინას დაახლოებით 420$-ად იქირავებთ.

Numbeo-ს მონაცემების მიხედვით, მეზობელ ქვეყნებთან შედარებით გასაყიდ უძრავ ქონებაზე ფასი საქართველოში დაბალია. მაგალითად, თურქეთში, სტამბულის ცენტრალურ ნაწილში, 1მ² 3132$ ღირს, ხოლო ქალაქგარეთ საშუალო ფასი დაახლოებით 1592$-ს შეადგენს. 

მაგალითად ეს ბინა, რომელიც სტამბულის ცენტრში მდებარეობს და რომლის საცხოვრებელი ფართი 55კვ.მ 310,00$ ღირს

დაახლოებით იგივე ფასად, 315,00$-ად ვაკის რაიონში კი ამ ბინას შეიძენთ, რომლის ფართი 118 მ²

თბილისთან შედარებით ძვირია სომხეთის ფასებიც — ერევნის ცენტრალურ ნაწილში გასაყიდი უძრავი ქონების 1მ²-ის ფასი 3439$-ია, ხოლო ცენტრისგან მოშორებით — 1608$. რაც შეეხება ქირას, ერევნის გარეუბანში ბინის ქირაობის საშუალო ფასი 574$-დან იწყება, ხოლო სტამბულში — 586$-დან. აზერბაიჯანში, ბაქოს ცენტრალურ ნაწილში, 1მ²-ის ფასი 2081$-ია, რაც თბილისის ფასებს უახლოვდება, თუმცა ვაკესთან შედარებით მაინც გაცილებით დაბალია. ბაქოს ცენტრში კი ბინის თვიური ქირა დაახლოებით 480$-ია, რაც თბილისის ფასებისგან მცირედით განსხვავდება.

მიუხედავად იმისა, რომ საქართველოში უძრავი ქონების ფასები ბოლო წლებში იზრდება, აღმოსავლეთ ევროპის ქვეყნებთან შედარებით თბილისში ფასები კვლავაც მნიშვნელოვნად დაბალია. მაგალითად, თუ თბილისში 1მ²-ის საშუალო ფასი დაახლოებით 1700$-ია, უნგრეთში ეს მაჩვენებელი 2450$-ს აღწევს, ბულგარეთში — 2320$-ს, ხოლო ჩეხეთში — 3635$-ს. 

შედარებისთვის, ვარშავაში ეს ოროთახიანი ბინა, რომლის ფართი 58მ² 259,000$ ღირს. 

თბილისში კი, კერძოდ საბურთალოზე, ასეთ ოროთახიან ბინას 122000 $-ად შეიძენთ. 

რაც შეეხება გაქირავებას, მაგალითად, პრაღის ცენტრში ერთოთახიანი ბინის ქირაობა 1115$ დაგიჯდებათ, რაც თბილისთან შედარებით გაცილებით მაღალია. საქართველოსთან შედარებით, დასავლეთ და ცენტრალურ ევროპაში უძრავი ქონების ფასები კვლავ მაღალია. 

მაგალითად, ეს საშუალო ზომის ვილა (170 მ²) მილანში 910,000$ ღირს, 

საქართველოში კი 185 მ²-ის ზომის აგარაკი 565 000$-ად შეგიძლიათ იყიდოთ.

ასეთია უძრავი ქონების ფასების მიმართება საქართველოსა და სხვადასხვა ქვეყანას შორის. თუ უფრო კონკრეტულად გაინტერესებთ, რა ღირს უძრავი ქონება თბილისის კონკრეტული უბნების მიხედვით ან რა ფასებია საქართველოს სხვადასხვა ქალაქში, ამის შემოწმება SS.ge-ზე თავად შეგიძლიათ: გადადით ბმულზე, შეიყვანეთ უძრავი ქონების შესახებ ინფორმაცია, შემდეგ კი სტატისტიკის ნახვას დააკლიკეთ. SS.ge დიაგრამის სახით წარმოგიდგენთ როგორც გასაყიდი ბინების 1მ²-ის ფასის ცვლილების დინამიკას, ისე ქირაობის ფასებსაც ბოლო 2 წლის მონაცემების მიხედვით. ასეთი სტატისტიკა კი ინფორმირებული გადაწყვეტილების მიღებაში აუცილებლად დაგეხმარებათ.