პროფესიონალიზმი სამუშაო ადგილზე
934
2020-03-23 17:45:15


როგორ მოვიქცეთ სამსახურში


პროფესიონალიზმი განისაზღვრება, როგორც ინდივიდის ქცევა სამუშაოზე. სიტყვის ფესვის მიუხედავად, ეს არ შემოიფარგლება მხოლოდ იმით, რასაც ჩვენ „პროფესიებს“ ვუწოდებთ, რომლებიც, როგორც წესი, კარიერაა, რომელიც მოითხოვს უამრავ განათლებას და მათთან ასოცირდება მაღალი შემოსავალი. ბევრ მოლარეს, თუ მიმტანს შეუძლია ამ მახასიათებლის მაღალი დონის დემონსტრირება, იმის მიუხედავად რომ ამ პროფესიებს მინიმალური ტრენინგი სჭირდება. 

ფიქრობთ ალბათ რომ ვერავინ ვერასდროს შეამჩნევს შენს პროფესიონალურ ქცევას სამსახურში თუ შენით არ მოახდენ დემონსტრირებას. თუ შენ საქმეს კარგად აკეთებ, მაშინ ვის ადარდებს? აღმოჩნდა რომ შენს უფროსს, კლიენტებს და თანამშრომლებს. ისინი აუცილებლად შეამჩნევენ თუ რაიმე ხარვეზი გექნება (ხარისხში) და ამას შესაძლოა მოჰყვეს გარკვეული უარყოფითი გავლენა შენს კარიერაში. შენი პროფესიონალიზმის უარყოფა დიდი შეცდომა იქნება. ამან შეიძლება გავლენა მოახდინოს შენი დაწინაურების შანსებზე ან უარეს შემთხვევაში სამსახურის შენარჩუნებაზეც კი.


როგორ შეგიძლიათ აჩვენოთ თქვენი პროფესიონალიზმი? ამისათვის მიჰყევით ქვემოთ მითითებულ პირობებს: 


1. დრო გახადეთ პრიორიტეტული:

როდესაც სამსახურში ან შეხვედრებზე დაგვიანებით მიდიხართ, ეს შენს უფროსს და თანამშრომლებს უქმნის შთაბეჭდილებას, რომ შენ საქმე არ გაინტერესებს და ეს მათზე ახდენს უარყოფით გავლენას, აქედან გამომდინარე გონიათ რომ შენ არა მარტო შენ დროს არამედ მათ დროსაც არ აფასებ. ყურადღება მიაქციეთ საათს. თუკი საჭირო იქნება გამოიყენეთ მაღვიძარა. დაანახეთ რომ მინიმუმ რამდენიმე წუთით ადრე მიდიხართ სამსახურში სანამ დაიწყება თქვენი სამუშაო დღე და დროულად დაბრუნდით შესვენებიდან.


2. აკონტროლეთ თქვენი განწყობა:

სამსახურში მისვლისას გარეთ დატოვეთ თქვენი ცუდი განწყობა. ჩვენ ყველას გვაქვს დღე, როდესაც თავს ვგრძნობთ ძალიან ცუდად. დაიმახსოვრე, რომ შენი ეს განწყობა არ გადაიტანო შენსს უფროსზე, თანამშრომლებზე და განსაკუთრებით კი მომხმარებლებზე. თუ სამსახური არის ის, რაც შენში ცუდ განწყობას იწვევს, დროა იფიქროთ მის შეცვლაზე.

3. ჩაიცვით სათანადოდ:

შეარჩიეთ ტანსაცმლის ტიპი, რომელსაც ითხოვს თქვენი დამსაქმებელი. თუ არ არსებობს ჩაცმის დრესკოდი, შეარჩიეთ ჩაცმულობა, რომელიც ნორმაა თქვენი სამუშაო ადგილისთვის. 

4. დაუკვირდით სიტყვებს: 

უცენზურო საუბარი სამუშაო ადგილას მიუღებელია. უმჯობესია თავი შეიკავოთ მსგავსი ქცევისგან, მითუმეტეს თუ ადრესატებიც ადგილზე იმყოფებიან. არსებობს ოქროს წესი, რომელიც ჯობია დავიცვათ: რასაც არ ეტყოდი მეგობარს, არ თქვათ სამსახურში.

5. შესთავაზეთ დახმარება თქვენს კოლეგებს:

ჭეშმარიტი პროფესიონალი მზადაა დაეხმაროს თანამშრომლებს, როდესაც ისინი გადატვირთულნი არიან. მათ არ ეშინიათ ცოდნის და მოსაზრებების გაზიარება. ერთი ადამიანის წარმატება კარგად აისახება ყველას სამუშაოზე. ამასთან, მნიშვნელოვანია, რომ არ იყოთ ძალიან მომაბეზრებლები. თუ თქვენი კოლეგა უარყოფს თქვენს შეთავაზებას, ნუ მოაბეზრებთ თავს. მან შეიძლება ამჯობინოს მარტო მუშაობა.

6. არ იჭორაო:

შეიძლება ცდუნდე და მოგინდეს შენ თანამშრომელთან მოყვე რა თქვა ერთმა ან მეორე თანამშრომელმა, თუმცა გაითვალისწინე რომ ჭორაობა წარმოგაჩენს როგორც სკოლის მოსწავლეს. თუ რამე ისეთი იცი რისი გაზიარებაც გინდა ვინმესთვის, ისაუბრე ისეთ ადამიანებთან ვისაც არანაირი შეხება არ აქვს შენ სამუშაო სივრცესთან, მაგალითად შენ დასთან, დედასთან ან თუნდაც მეგობართან.

7. იყავით პოზიტიური:

უარყოფითი ენერგია გადამდებია. თუ განუწყვეტლივ წუწუნებთ თქვენ სამსახურზე ეს სხვებზე იმოქმედებს ცუდად. თქვენი ბოსი რათქმაუნდა ამ ყველაფერს შემაჩნევს და მიიღებს შესაბამის ზომებს. ეს არ ნიშნავს იმას, რომ თქვენ არ ილაპარაკოთ იმაზე, რაც ფიქრობთ, რომ არასწორია. თუ ხედავთ რაიმე გამოსასწორებელს, გაუზიარეთ თქვენი მოსაზრებები და გეგმა როგორ უნდა გამოსწორდეს აღნიშნული თქვენს ბოსს.  

8. არ დამალოთ შეცდომები:

როგორი რთულიც არ უნდა იყოს ამის გაკეთება, არ დამალოთ თქვენი შეცდომები. გააკეთეთ მაქსიმუმი მათი გამოსწორების მიზნით. დარწმუნდით რომ ორჯერ არ გააკეთებთ ერთ საქმეს. არასდროს დაადანაშაულოთ სხვა თქვენს შეცდომაში, თუნდაც ის ამას იმსახურებდეს. მათ ვინც იზიარებს პასუხისმგებლობას შეცდომის გამო, ერთი ნაბიჯით წინ არიან დანარჩენ თანამშრომლებზე.

9. არ მოიტყუოთ:

გულწრფელობა ყოველთვის ფასდება და ისახება თქვენს რეზიუმეზე. ნამდვილი პროფესიონალი ყოვეთვის წინდახედულად იქცევა. თუ კონკრეტული სამუშაოსთვის თქვენი კვალიფიკაცია არაა საკმარისი ორი არჩევანი გაქვთ: 1. არ შეეჭიდოთ მას. 2. წარადგინოთ რეზიუმე რომელიც ასახავს თქვენს რეალურ უნარებს. თუ აირჩევთ მეორე ვარიანტს დეტალურად ახსენით როგორ აანაზღაურებთ თქვენი კვალიფიკაციით დაკარგულ მოთხოვნას. რაც შეეხება სიცრუეს ავადმყოფობის შესახებ, თუ დასვენების დღე გჭირდებათ გამოიყენეთ შვებულების დღე.

10. არ ისაუბრო შენს პირადულზე:

თუ სამსახურში გყავს საუკეთესო მეგობარი ვისაც ენდობი, მას შეგიძლია გაუზიარო შენი პირადული, მაგრამ მთელ ოფისს არა. ყურადღებით იყავი ვისთან რას საუბრობ, განსაკუთრებით თუ თემა მეუღლესთან ან ოჯახის სხვა წევრებთან პრობლემას ეხება. თუ გადაწყვეტ, რომ თანამშრომელს ესაუბრო შენს პირადულზე, ჯობს ეს ისეთ სივრცეში მოხდეს სადაც არ იქნებიან სხვა თანამშრომლები და მითუმეტეს მომხმარებლები. 


სტატიის ავტორია ss.ge